مساعد مدرب الأسود بسيرك طنطا بعد بتر ذراعه: النمور كانت جعانة من قلة اللحمة | بث مباشر
كشف مساعد مدرب الأسود تفاصيل هجوم نمر عليه خلال أحد العروض داخل سيرك في مدينة طنطا، مما أدى إلى بتر ذراعه الأيسر بعد تهتكه.
هجوم نمر مفترس على مساعد مدرب أسود بطنطا
وقال مساعد مدرب الأسود إنه لم يخطئ وإنما كان يمارس عمله بشكل طبيعي الذي اعتاد عليه منذ 10 سنوات، فهو ليس حديث العهد بهذه المهنة وإنما يعرف كيف يتعامل بشكل صحيح مع الأسود والنمور في العروض داخل السيرك.
وأضاف مساعد مدرب الأسود: أنا اللي غلطان عشان دخلت إيدي جوا القفص؟ طب هربط الأسد إزاي، الغلط من المدرب اللي جوا القفص مع الأسد، إزاي أنا اللي غلطان يعني هسيب إيدي للنمر عشان ياكلها؟ المفروض يخليه يبص له عشان ميهجمش على اللي بيربطه.
وأكد مساعد مدرب الأسود أنه كان يقف خارج القفص ويربط أحد الأسود، إلا أنه فوجئ بهجوم نمر عليه ولم ينتبه له بسبب انشغاله في عمله.
واستكمل: كنت بربط الأسد وفجأة لقيت النمر ماسك في دراعي، محدش ضرب فيه ولا جه جنبه وهو بياكل في إيدي، سابوني امبارح بدراعي زي ما هو أكثر من 5 ساعات.
وأوضح مساعد مدرب الأسود أن النمر الذي هجم عليه كان مسعورًا بسبب عدم تناوله اللحوم في الأيام الماضية، مختتمًا: النمور كانوا جعانين عشان مكنش فيه لحمة وده سبب اللي حصل، بقالي 10 سنين في الشغلانة دي وأول مرة يحصل معايا كده.
