بعد منعه من الغناء.. مسلم يتعرض لوعكة صحية: بموت ومش مسامح مصطفى كامل
أعلن مطرب المهرجانات مسلم تعرضه لوعكة صحية ودخوله المستشفى للمرة الرابعة، بسبب الأزمات النفسية التي تعرض لها مؤخرًا، نتيجة منعه من الغناء، وخلافاته مع نقابة المهن الموسيقية.
وأكد مغني المهرجانات أن كل ما يمر به حاليًا ناتج عن خلافاته الأخيرة، التي أدت إلى تدهور حالته الصحية ودخوله المستشفى للمرة الرابعة.
مسلم يعلن تعرضه لوعكة صحية ودخوله المستشفى للمرة الرابعة
وكتب مسلم ستوري، عبر حسابه الشخصي بموقع تبادل الصور والفيديوهات القصيرة إنستجرام، جاء فيها: دخولي المستشفى للمرة الرابعة في شهر واحد؟ أنا مش مسامح أي حد كان سبب في ده حسبي الله ونعم الوكيل، بجد أنا بموت مش مسامح مصطفى كامل، وكل اللي تحته السبب في تعبي ومرضي، بسبب الزعل والتفكير يا رب أنت أكبر من أي حد ومش هتسيب عبدك لوحده.
وبالأمس، ظهر مسلم في فيديو عبر حسابه الرسمي بموقع تبادل الصور والفيديوهات إنستجرام، وقال فيه: قرار النقابة بوقفي من الغناء مش سهل.. والنقابة في أي بلد لما بيكون في مشكلة بيكلموا الشخص وبيحققوا معاه وأنا محدش اتكلم معايا.. ولما اعتذرت عن حفلة كان عندي ميكروب في الدم ومعايا الورق اللي يثبت، وبتصل بيهم مش بيردوا عليا.. والقرار اللي طلع معلهوش إمضاء مصطفى كامل.. وهرفع قضية ضد النقابة.
