شاهد على واقعة دهس سائق تريلا لشاب بمصر الجديدة: المتهم قسم الموتوسيكل نصين من الخبطة| خاص
كشفت التحقيقات في القضية التي حملت رقم 148 لسنة 2025 جنح مصر الجديدة، والمتهم فيها سائق تريلا لدهسه الشاب أبانوب، والتسبب في وفاته متأثرا بإصابته التي لحقت به، في منطقة مصر الجديدة، تفاصيل جديدة حول الواقعة.
شاهد على واقعة دهس سائق تريلا لشاب بمصر الجديدة
وأضافت التحقيقات، أنه بمثول إسلام. غ 30 سنة ويعمل مدير كافية أسفل كوبري المحكمة، أمام جهات التحقيقات المختصة وبسؤاله حول ما هي تفصيلاته شهادته بشان الواقعة؟ أجاب: اللي حصل إنه يوم الاثنين اللي فات بتاريخ 6 يناير 2025 حوالي الساعة 1 صباحًا تقريبًا أنا كنت في شغلي بالكافية أسفل كوبري المحكمة، وأنا شوفت الحادثة اللي حصلت والسائق اللي كان سايق العربية النقل ثقيل كان ماشي بالعربية بتاعته من طريق الحجاز، وكان عايز يدخل شارع الحجاز، وفضل يرجع بالعربية بتاعته خلف، ولما لقى العربية هرب من سائق العربية اللي خبطها ودخل شارع الحجاز عكس الاتجاه.
وأكمل: وهو ماشي عكس الطريق خبط اللي كان سايق الموتوسيكل ولما خبطه الراجل اللي كان سايق الموتوسيكل وقع على الأرض بعيد عن العربية النقل التقيل، اللي كان سايق العربية النقل الثقيل دهس الموتوسيكل وقسمه نصين، واحنا حوالنا نوقفه فهو هرب بالعربية بتاعته ومحدش لحقه، والناس اللي كانت في الشارع اتصلت بالإسعاف، والإسعاف حضرت وأخدت الراجل المصاب وراحت بيه على مستشفى هليوبوليس.
س: متى وأين حدث ذلك ؟
ج: الحادثة حصلت يوم الاثنين الموافق 6 يناير 2025 حوالي الساعة واحدة صباحًا بميدان المحكمة اتجاه شارع الحجاز.
س: ومَن كان برفقتك آنذاك ؟
ج: أنا كنت لوحدي.
س: وما سبب وجودك بالزمان والمكان أنفي البيان؟
ج: أنا كنت في شغلي لأني شغال مدير كافيه أسفل كوبري المحكمة.
س: ما صلتك بالمجنى عليه أبانوب سعد
ج: أنا معرفهوش؟! أنا كنت أول مرة أشوفه يوم الحادثة.
