مسلم بعد إيقاف النقابة له: حسبي الله ونعم الوكيل في كل اللي ظلمني ومش هسيب حقي

شهدت الفترة الماضية العديد من الصراعات بين مطرب المهرجانات مسلم ونقابة الموسيقيين، خاصة بعد أن أصدرت النقابة قرار بوقفه عن الغناء بسبب مخالفات تعاقدية.

ومنذ ساعات قليلة نشر مسلم استوري على حسابة الخاص إنستجرام قائلًا: حسبي الله ونعم الوكيل في النقابة، وكل اللي فيها وربنا كبير مش بيضيع حق حد، وأنا اتظلمت كتير وربنا مش بيسيب حق حد، وأنا في دولة قانون، ومش هسيب حقي ولو أنا ناجح ده مخليكوا كارهني ده بيكون مرض برضه، ومش ذنبي إني أنسان كويس وبسعى علشان أوصل لحلمي وهفضل لأخر حلمي علشان أوصل لحلمي، ومش هسيب حد يثقتي بنفسي، ربنا كبير وحسبي الله ونعم الوكيل في كل اللي ظلمني.

ومن ناحية أخرى، فقد قررت محكمة القاهرة الاقتصادية قررت، حجز محاكمة مطربي المهرجانات مسلم، نور التوت، حمو الطيخا، فيلو، وإسلام كابونجا، وذلك بتهمة استخدام لحن أغنية أول حياتي ياما للملحن حسن دنيا، دون الرجوع إلى مالكها لجلسة 3 مارس للحكم، حيث سبق وتقدَّم المحامي سامح قناوي بدعوى أمام المحكمة الاقتصادية، يتهم فيها مطربي المهرجانات مسلم، نور التوت، حمو الطيخا، فيلو، وإسلام كابونجا بسرقة لحن أغنية أول حياتي ياما.