شق طريقك في الاتجاه اللي بتحبه ومتأجلش.. عمر طاهر ينتقد أصحاب مقولة التأجيل من عند الله
انتقد الكاتب عمر طاهر عبر برنامجه الإذاعي الفاترينة، تأجيل قيام الأشخاص بأي فعل في حياتهم تحت عنوان: حكايتنا مع التأجيل، موضحًا أنه لا يجب على أي شخص تأجيل أمر مهم في حياته.
وأكد الكاتب عمر طاهر في برنامجه عبر إذاعة إنرجي 92.1، أهمية عدم التأجيل في حياة الإنسان، وبالنسبة للأشخاص الذين يقولون التأجيل من عند الله، فإن ذلك غير صحيح تمامًا، ولا يجوز أن نرى الله من هذا المنظور إطلاقًا، وغالبًا ما يرددون جملة يا مستعجل عطلك الله.
عمر طاهر ينتقد أصحاب مقولة التأجيل من عند الله
وقال طاهر: زمان أنا كنت كده، بأجل قرارات كتير، لحد ما لقيت نفسي وراء جبل من القرارات اللي معملتش منها حاجة، وقتها كان كل اعتقادي أن الحياة مجموعة عينات، لكن بعد كده فهمت أنها اتجاه واحد بس، ليه الواحد بيأخد التأجيل قرار حياة.
وتابع: بشوف ناس نفسها تاخد قرارات كتير في حياتها، لكن بتفضل تأجلها بدون أسباب منطقية، زي اللي عايز يتعلم العوم، أو اللي يروح الجيم ويمارس الرياضة، ليه الإنسان يفضل يعيش في الخيالات، مع الوقت هيتعب ومش هيقدر يكمل.
واستكمل: زي مثلا الشخص اللي بيأجل قرار القراءة عشان يكون عندك صفاء ذهني، أو أنه يتعرف على جيرانه، في العمارة لحد ما يجي عليه يوم ويحس أن طلب المساعدة شيء صعب مش سهل، شق طريقك في الاتجاه اللي بتحبه، وشوف نعم ربنا عليك، والتأجيل بيخلي الحياة تحصل وأنت مبتحصلش.
