محمد شاهين: شخصية وسام مريضة وضحية.. والمسؤولية زادت عليا بعد لام شمسية
تحدث الفنان محمد شاهين، عن شخصية وسام المتحرش التي قدمها خلال مسلسل لام شمسية، والذي يعرض في السباق الرمضاني الحالي 2025، موضحًا أن نجاح العمل والشخصية وضعه تحت مسؤولية أكبر في اختيار أعماله الفنية المقبلة.
وعلق محمد شاهين، في لقائه مع برنامج ET بالعربي، بطريقة ساخرة على رد فعل الجمهور على شخصية وسام: ده تمثيل يا جماعة والله ده مش أنا، سلموا عليا واتصوروا معايا لو حابين، بس بلاش ضرب والنبي علشان مش أنا.
وعن شخصية وسام، قال محمد شاهين: الشخصيات اللي زي وسام بتبقى مريض نفسي وضحية، ولكنه مذنب بكل الأشكال والطرق وحرام شرعًا ودينيًا، وحرام أن الضحايا بتوعه بيكبروا عندهم مشكلة كبيرة بتأثر على حياتهم كلها وفي ناس بيجيلهم تروما وحالات نفسية وخوف من الناس، ويبقى السبب فيها إنسان ده مش حقه.
وتابع محمد شاهين: المسؤولية زادت عليا أكتر بعد لام شمسية، وكل مرة بقول كده وبقول يا رب استرها عليا، ومعرفش إيه اللي هيحصل في اللي جاي وببقى خايف وحامل هم أن آخر حاجة أنا سامعها حلوة ويا رب أبقى قدها.
مسلسل لام شمسية
ومن ناحية أخرى، مسلسل لام شمسية يشارك في بطولته كل من الفنانة بطولة أمينة خليل، أحمد السعدني، يسرا اللوزي، ومحمد شاهين، وهو من تأليف مريم نعوم وإخراج كريم الشناوي.
