خالد محمود يتحدث عن رؤياه للرسول في المنام: كان لابس جلباب أبيض وقالي مكانك محفوظ
كشف الفنان خالد محمود رؤيا مؤثرة رآها في منامه، إذ تحدث عن لقائه بالنبي محمد صلي الله عليه وسلم، في الحلم.
خالد محمود يتحدث عن رؤياه للرسول في المنام: كان لابس جلباب أبيض وقالي مكانك محفوظ
وقال خالد محمود خلال لقائه في برنامج لحظة تجلي، مع الزميلة منى عقبي، المذاع عبر موقع القاهرة 24: جنب بيتنا فيه جامع، وفي الحلم عرفت إن الرسول موجود فيه، دخلت أشوفه، لقيته واقف لابس جلباب أبيض ودقنه بيضا، ومعاه اتنين، وسط الزحمة، راجل كبير طلب مني أجيب له حاجة، قولتله: مكاني هيتاخد، لكن الرسول طبطب عليَّا وقالي: مكانك محفوظ.
وأكد خالد محمود أن هذه الرؤيا كان لها أثر كبير في حياته، حيث شعر بسعادة غامرة كلما تذكرها، معتبرًا أنها رسالة طمأنينة وقرب من الله، خاصة في هذا الشهر الكريم، الذي يُعد فرصة للتقرب من الله والحرص على العبادات.
خالد محمود يكشف سبب قلة مشاركته الفنية
وفي سياق مختلف، سبق وكشف خالد محمود، عن سبب قلة أعماله الفنية خلال الفترة الماضية، مؤكدًا أن الفن رسالة توعية ومهمة للجمهور.
وقال خالد محمود خلال لقائه مع موقع القاهرة 24: أنا بحب اختار أعمالي بدقة وبكون حريص جدًا أن العمل يكون له هدف ومضمون يوصل للجمهور، لما بلاقي عمل مش مناسب بعتذر عن الأعمال دون المستوى وبشارك في الأعمال اللي ليها رسالة.
وأضاف خالد محمود: الفن رسالة مهمة جدا وعشان كده أي فنان لازم يكون واعي في اللي بيقدمه وفي اختيار أعماله عشان الرسالة توصل بشكل محترم عشان نقدر نرتقي.
وعن جديد أعماله الفنية، أوضح خالد محمود: بحضر لمسلسل جديد هيخرج إلى النور قريبا وأنا كنت مشغول في المسلسل.
خالد محمود: كل المهن فيها حلال وحرام
كما تحدث خالد محمود عن رأيه في حرمانية الفن، حيث قال إن الرسول صل الله عليه وسلم حسم كل شيء، عندما قال الحلال بيّن والحرام بّين، متابعًا: كل حاجة فيها حلال وحرام، يعني الموظف اللي بيتعبنا ويلوي دراعنا ويفتح الدرج، واللي قاعد في كشك وبيسرقنا في الأسعار كل ده حرام.. كل المهن فيها حلال وحرام.
وأكد خالد محمود أن الفن سلاح ذو حدين، موضحًا: اللي إحنا عاوزينه هو اللي هيكون، أنا بقدم فن حلال، وقبل كدة قابلني شباب بطلوا الإدمان، بسبب دور عملته، أنا وقتها عرفت إن الرسالة وصلت، دا العمل اللي بيوصل للناس بصدق.
