والدة صغيرة العاشر من رمضان في التحقيقات: بنتي قالتلي واحد دخل عليها الحمام وعورها بالسكينة| خاص
يستكمل القاهرة 24 نشر نص التحقيقات في قضية الاعتداء على صغيرة العاشر من رمضان والتي حملت رقم 1365 لسنة 2025.
التحقيقات في قضية صغيرة العاشر من رمضان
وقالت والدة روناء صغيرة العاشر من رمضان أمام جهات التحقيق: أنا متعودة يوم الخميس آخد روناء وإخواتها البنات معايا في السوق، لأن أنا مطلقة، وبوم الواقعة روناء سابتني وأنا فارشة في السوق وبعد حوالي ربع ساعة لقيتها راجعة وخايفة وبتقول إن فيه واحد دخل عليها الحمام وهددها بالسكينة وعورها في رجليها.
وأضافت والدة روناء صغيرة العاشر من رمضان: وبعدين قولتها تعالي وريني الراجل، لقيت الناس ملمومة عند الجامع ومسكينه، وعرفت إنه تعدى على بنتي وعمل فيها حاجات وحشة، ورحت عملت محضر في القسم.
وواصلت والدة صغيرة الشرقية: الكلام ده حصل يوم 5/3/2025 الصبح في حمام جنب مسجد الرحمن بالسوق في الحي العاشر في العاشر من رمضان، وبنتي عندها 8 سنوات وبتدرس في الابتدائي.
وأكملت: أنا عندي خمس بنات وولد؛ الكبيرة اسمها ميادة عندها 19 سنة، والتانية رقية 15 سنة، والتالتة روناء 4 سنين، والرابعة ليالي، والخامسة زينب، والولد اسمه نصر، وكلهم ساكنين معايا ما عدا ميادة، هي اللي بتقعد مع أبوها.
وأوضحت والدة صغيرة العاشر من رمضان أمام جهات التحقيق: أنا بشتغل بياعة في السوق اللي جنب مسجد الرحمن في الحي العاشر، كل يوم خميس، وفيه سوق تاني في الكبيرهاوس بروحله يوم الجمعة، وأولادي أحيانًا بييجوا معايا السوق، لأنهم بيغيبوا من المدرسة يوم الخميس، والجمعة أصلًا إجازة.
وأفادت: أنا أول مرة أشوفه النهاردة، وعرفت إنه بيبيع معانا في السوق، ومفيش بينا أي خلافات، ومفيش أي علاقة بينا، ولا أعرفه أصلًا، وأنا بتهمه بهتك عرض بنتي وهو فعلًا عمل كده، وعايزة أعرضها على الطب الشرعي.
