احتفالًا بعيد الأم.. محمد رمضان يزور دار مسنين في حلقة خاصة ببرنامجه: عندي أكتر من أم
احتفل الفنان محمد رمضان، بعيد الأم في حلقة استثنائية في برنامجه مدفع رمضان، والذي يذاع عبر شاشة قناة DMC عقب أذان المغرب مباشرة، معربًا عن سعادته الكبيرة باحتفاله بعيد الأم رفقة السيدات المُقيمات بدار المسنين.
محمد رمضان يزور دار مسنين في حلقة خاصة ببرنامجه: عندي أكتر من أم
وقال محمد رمضان، في برنامجه مدفع رمضان: النهاردة يوم استثنائي وحلقة استثنائية، ولما بنقول عيد الأم بيبقى يوم سعيد على الناس اللي ربنا يبارك لهم في أمهم ويوم حزين على ناس فاقدة أمها وبنسأل الرحمة لـ أمهم، وقررنا نروح لـ اللي محتاجين نكون جنبهم في يوم زي ده ونحتفل بأم عظيمة.
وتابع محمد رمضان: أنا في أسعد لحظة في حياتي إني وسطكم وحاسس أني عندي أكتر من أم، وعايزين نغير نظرة الناس لدار المسنين اللي هي نظرة درامية خاطئة.
وأضاف محمد رمضان، متحدثًا عن برنامجه مدفع رمضان: ده أفضل مشروع عملته في حياتي، لأن بطولاتنا في الدراما هي بطولات على ورق، وبطولاتنا الحقيقة هي اللي هسيبها لـ ولادنا.
