انتصار عن تعاونها مع شيماء سيف بمسلسل إش إش رغم خلافهما الشهير: هعتبر كلامها قلة خبرة
كشف الفنانة انتصار، كواليس عملها مع الفنانة شيماء سيف، في مسلسل إش إش، وذلك بعد الخلاف الشهير الذي حدث بينهما بـ برنامج نفسنة الشهير، موضحة أنها احتوت الخلاف واعتبرت تصريحات شيماء سيف ناتجة عن قلة الخبرة.
وقالت انتصار في في برنامج تفاعلكم: أول ما شفتها سلمت عليها ومخلتش الموضوع ياخد أكبر من حجمه، وأنا هعتبر كلامها في البرامج قلة خبرة وإنها تسمح للمذيعين أنهم يوقعوها في الكلام على زميلتها، والمفروض تكوني كتومة على أسرار العمل بما فيه من مشاكل علشان تبقي محترفة، ومفيش شغل في الدنيا مفيش فيه مشاكل.
وتابعت انتصار: أنا قلت إني أنا الأكبر سنًا والأكثر عقلًا وأحتوي هذا الأمر وسلمت عليها أول ما شفتها وكان بالاتفاق مع المخرج محمد سامي، وبعد كده فتحنا الموضوع وقالت إن هي مكانتش حابة تتكلم في البرامج على الأزمة ولكن المذيعين والإعداد هما اللي كانوا بيصروا على السؤال ده لأن الناس عايزة تعرف عني، دلوقتي طلعت المشكلة مش فيها هي والمشكلة في المذيعين ومعدين البرامج.
مسلسل إش إش
يذكر أن مسلسل إش إش من بطولة مي عمر وماجد المصري ومحمد الشرنوبي وإدوارد وانتصار وهالة صدقي وشيماء سيف وعصام السقا وطارق النهري، ومن تأليف محمد سامي ومهاب طارق وإخراج محمد سامي.
