بعد مشاركته في الغاوي.. كزبرة: رفضت أعمال كتير مقابل دور صغير.. وانتظروا مسلسلي الجديد على ضهر راجل
شارك أحمد بحر الشهير بـ كزبرة، في الحلقة الأولى من مسلسل الغاوي لـ أحمد مكي، حيث تألق من خلال المشاركة، مشيرًا إلى أنه ينتظر مسلسله الجديد في أول بطولة مطلقة له والذي يتم عرضه بعد السباق الرمضاني لعام 2025.
ونشر كزبرة استوري عبر خاصية القصص القصيرة بـ موقع تبادل الصور والفيديوهات إنستجرام قائلًا: بسم الله الرحمن الرحيم، الحمد لله حمدا كثيرًا أنا حابب أتكلم في موضوع شكرًا لكل حد بعت لي رسالة حلوة واتكلم عني واداني حقي في دور فؤش في الغاوي، ربنا اللى عالم أنا الفترة اللي فاتت كل الناس اللى حواليا كانت بتقولي إنت مجنون يسبب الحاجات الى رفضتها في رمضان وحاجات كثير منها بطولة بس أنا مكنتش مرتاح ومكنش فرقلي غير إني أعمل حاجة حلوة ورحت عملت دور فؤش مع إنه دور صغير، بس اللي حركني إنه دور مختلف وأمنت بربنا أنه هيكرمني لأني عايز أقدم حاجة حلوة.
وتابع: كان عندي يقين إن ربنا هيكرمني والحمد لله ربنا كرمني والناس طلعت بتقدر الحاجة الحلوة ومخيبوش ظني في المعنى إيه من الكلام ده أن مش مهم الكم المهم إنك تعمل حاجة حلوة إنت مصدقها وراضي عنها وسيب الباقي على ربنا وصدقتي هتطلع كسبان.
واختتم حديثه قائلًا: أخيرا شكرا لكل اخواتي اللي في ضهري واللي جاي هيعجبكم أكتر وأكتر بإذن الله عملكم مسلسل حلو بعد رمضان حاجة مختلفة برضه هتتبسطوا أوي بس المرادي هيبقي أول بطولة ليا يارب ابقى قدها مسلسل على ضهر راجل.
