ضرب وإهانة وتعنيف للطالبات.. أولياء أمور مدرسة بالشرقية يستغيثون بوزارة التعليم: اللي بيحصل مش طبيعي
حالة من الغضب الشديد انتابت أولياء أمور طلاب مدرسة الدكتور عبد الدايم البقري الثانوية بمحافظة الشرقية، وذلك بعد تعرض بناتهم الطالبات بالمدرسة، لإهانة وتعنيف ومعاملة سيئة سواء من إدارة المدرسة، أو من المدرسين والعاملين في المدرسة، بشكل وصفوه "مهين وغير مقبول".
ونشر أحد أولياء الأمور فيديو للطالبات خلال جلوسهن في فناء المدرسة، بعدما قررت مديرة المدرسة معاقبتهن بتركهن في الفناء لمدة حصة في الشمس، فضلًا عن طلب مبالغ منهن نظير دخول المدرسة، وفقًا لما دونه شقيق إحدى الطالبات.
وقال محمد أحمد ناشر الفيديو: ليه المديرة تدخل الناس بالفلوس؟ وهي في العادي بتعاملهم بطريقة وحشة، والمدرسين بردو، مع إن الجيل ده عنيد بطريقة تفوق قدراتهم، ودا مش كلامي فياريت تجربوا السياسية والاحترام، والأسلوب يكون كويس، وأنا مش بقلل من المدرسين، لا فيه منهم ناس محترمة فعلا.
أولياء أمور مدرسة بالشرقية يستغيثون بوزارة التعليم
وأضاف ناشر الفيديو: الإدارة، وأغلب المدرسين بيتعاملوا مع الطلبة باستحقار شديد، وزعيق وعقوبات تعسفية، وتمييز بين الولاد والبنات، متسائلًا: هو النظام معمول عشان ناس وناس لا؟
وأشار ناشر الفيديو، إلى أنه هناك تعدٍ واضح يحصل على الطالبات يصل إلى ضربهن وصفعهن على وجوههن، فضلًا عن التدخل في أمور ملابسهن وشكل ظهورهن، وهو ما يرفضه أولياء الأمور.
وتابع محمد، ساردًا المخالفات بقوله: اللي يضحك بجد إنهم عاملين نفسهم بيمنعوا الغش وبيطبقوا العدالة، لكن اللي معاه واسطة بيغش عادي، ولا حد بيقوله حاجة! يعني الطالب اللي معندوش حد يسنده يتحاسب.
واختتم أولياء الأمور حديثهم، بمخاطبة وزارة التربية والتعليم بضرورة التدخل لحل أزمة تلك المدرسة، بقولهم: إحنا بنطالب وزارة التربية والتعليم بالتدخل لأن اللي بيحصل في المدرسة دي مش طبيعي ولو محدش اتحرك يبقى السكوت معناه إن الظلم ده هيكمل ومش هنسكت على حقوقنا.
وفي سياق منفصل، عُرضت إحدى الطالبتين المعتدي عليهما من مدير مدرسة ثانوية فنية تابعة لإدارة شبراخيت التعليمية في محافظة البحيرة، اليوم الاثنين، على الطب الشرعي بناءً على القرار الذي أصدرته النيابة العامة في هذا الشأن؛ وذلك لبيان الإصابات التي تعرضت لها بعد التعدي عليها.
