السيسي: محدش يتصور إن أي حالة وصلنا ليها من التطوير هي آخر حاجة
قال الرئيس عبد الفتاح السيسي، رئيس الجمهورية، إن كل الأسر اللي قدامي بذلت جهد كبير وسنين كبيرة، عشان يكون ولادهم معانا في دفعة الشرطة، متابعًا: تحياتي واحترامي لكل الأسر الموجودة، وبهنئ الجميع على الإنجازات التي حققوها حتى الآن، والتطوير والإعداد الجيد في الأكاديمية وفي كل مصر، يتحاج لجهود كبيرة.
وأضاف السيسي خلال مشاركته في إفطار أكاديمية الشرطة: محدش يتصور إن أي حالة أو أي حاجة وصلنا ليه هي آخر حاجة، لا طول ما إحنا في الدنيا هنفضل نطور من نفسنا، متابعًا: سعداء بالأسر اللي موجودة، وزي ما حافظت على ولادهم إحنا هنحافظ عليهم، وهنتعامل معاهم بإنسانية وأبوية.
السيسي في رسالة للمصريين: طالما الشعب المصري متماسك نقدر نتجاوز أي تحدي
وجه الرئيس عبد الفتاح السيسي، رسالة إلى المصريين، وذلك خلال تعقيبه على الأحداث في المنطقة، قائلا: طالما الشعب المصري متماسك نقدر على أي تحدي ونتجاوزه.
وأضاف السيسي، خلال تناوله وجبة إفطار مع أعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسي الدورات المدنية: بشعر إن المصريين قلقين بشأن الأحداث القريبة مننا، لكن طالما الشعب المصري متماسك أي تحدي نقدر نتجاوزه، متابعًا: نسعى للتهدئة وإيقاف إطلاق النيران ومنع المنازعات وعمل كل ما يكمن لإيقاف الحروب والاقتتال، مصر ثابتة ومستقرة، وإحنا حريصين في إدارة أمورنا إننا ننتبه إلى إن ربنا مطلع علينا وهيحاسبنا.
