سيدة تشكو من تعفن علبة زبادي لماركة شهيرة: لو طفل كل منها هيتسمم
عبرت سيدة عن استيائها عبر حسابها بمنصة فيسبوك، من تعفن علبة زبادي، تابعة لماركة شهيرة، بعد شرائها من أحد المحلات، رغم عدم انتهاء تاريخ الصلاحية المدون عليها.
سيدة تشكو من تعفن علبة زبادي لماركة شهيرة
وشاركت السيدة منشورًا عبر حسابها بـ منصة فيسبوك عبرت فيه عن استيائها، بسبب تعفن علبة زبادي جهينة، رغم سلامة تاريخ انتهاء الصلاحية المدون على العبوة.
وكتبت صاحبة الشكوى: جبت زبادي جهينة وصلاحيته من 24/2/2025 لـ 26/3/2025 زي ما واضح قدامكم وافتحها ألاقيها كده!؟..يعني لو الطفل هو اللي أخدها من الثلاجة وفتحها وأكل منها وهو مش فاهم ده يرضي ربنا؟؟
وأضافت: لما كلمت السوبر ماركت قالي أنا ماليش ذنب هي جاية مقفولة والتاريخ عليها مظبوط وفي الثلاجة، وهعرف منين إنها كده وبصراحة كلامه منطقي هو مش دوره يفتح يشيك على شكل الأكل المعلب والعيب عيب الشركة نفسها.
ولاقى منشور السيدة، تفاعلًا واسعًا بين مستخدمي مواقع التواصل الاجتماعي، حيث كتب صاحب حساب: حرام يا جماعة اللي بيحصل ده، حياة الأطفال والكبار مش مهمة للدرجادي؟!، ممكن طفل يجيله تسمم أو نزلة، وعلق صاحب حساب: حسبي الله ونعم الوكيل حصلت معايا قبل كده وكلمت الشركة واعتذرولي بس حرام يحصل كده، خلوا بالكوا يا جماعة من الحاجات اللي زي دي.
