حسام حبيب بعد حديثه عن شيرين عبد الوهاب في برنامج العرافة: شكرا إنكم حررتوني من تهديد صفحاتها
وجه المطرب حسام حبيب، رسالة لـ جمهوره، بعد ظهوره مؤخرا مع الإعلامية بسمة وهبة، وحديثه عن علاقته بالفنانة شيرين عبد الوهاب.
وقال حسام حبيب خلال ستوري عبر حسابه بموقع إنستجرام: الحمد لله أنا بشكر ربنا على كرمه وفضله وبشكر الناس إنها سمعتني من غير هجوم ورعب وأذى وتهديد وإنكم حررتوني من تهديد صفحاتها والألتراس بتوعها.
وأضاف حسام حبيب: اللي فضلوا مصممين عليه وأنا لسة هعرفكم على الناس اللي شغالين معاها أصلهم إيه وهما مين وعملوا إيه وضروني إزاي، أقسم بالله لأخليهم عبرة لمن يعتبر وبقولهم إنتو خايفين ليه وبتفكروا تسافروا ليه فاكرين هتهربوا من المواجهة؟
وأكمل حسام حبيب: بقولهم تاني لو روحتوا فين إذا عرفوا يسافروا أصلا، وبقولهم اللي أنتم مخبيينوا عليها والضرر اللي اتسببتوا فيه ليا وليها تاني هخليكم عبرة.
تصريحات حسام حبيب
وكان الفنان حسام حبيب وجه رسالة صادمة للفنانة شيرين عبد الوهاب، طالبها فيها بالكشف عن الحقيقة بالأدلة، محذرًا من أنه قد يُنهي حياته إذا اضطر هو للحديث عما حدث بينهما وقال حبيب خلال حلقته مع بسمة وهبة: فاض بيا الكيل من ظلمك ليا باستمرار.. الموضوع مبقاش تهريج، أنا متأذي نفسيًا من كل اللي حواليا، سيبي كل واحد فينا يروح لحاله وأنا بني آدم مريض، لو طلعت قولت الحقيقة هنتحر، علشان كده أرجوكي اطلعي قولي اللي حصل بينا بالأدلة.
