ميران عبد الوارث: عايزة أكون ممثلة بتختار القضايا اللي بتقدمها مش مساحة الدور.. وفخورة بمشاركتي في أثينا
تحدثت الفنانة ميران عبد الوارث، عن مشاركتها في مسلسل أثينا، بطولة الفنانة ريهام حجاج، موضحة أنها وافقت على المشاركة في العمل بسبب القضايا التي يتناولها.
وقالت ميران عبد الوارث في لقائها مع القاهرة 24: مكنش عندي أي تردد أني أقبل مسلسل أثينا، يمكن الحاجة اللي فكرت فيها كممثلة هي مساحة الدور أنها مش كبيرة زي أعمال تانية ليا ولهذا السبب أنا عملت الشخصية في أثينا، لأني عايزة أكون ممثلة بتختار الأعمال اللي بتقدمها والقضايا اللي بتناقشها مش مساحة الدور، أنا فخورة جدًا بالمسلسل ده ومش فارقلي أن الظهور قليل المهم أنه مؤثر لأن المسلسل مهم والحمد لله أني جزء من العمل ده وبيحسبلي أني حد من الناس اللي قدمت عمل زي ده.
كما كشفت ميران عبد الوارث، كواليس مشهدها مع الفنانة سوسن بدر، قائلة: سوسن بدر جبارة ومشهد اتهامها ليا بسرقة مشروع أثينا في مسلسل أثينا، حسيت أنها ظلمتني بجد وجالي ضيق تنفس لمدة 4 ساعات بعد التصوير، لما الممثل بيبقى صادق في مشاعره بيأثر عليه أوي لأنه بيستخدم كل جهازه العصبي.
أبطال مسلسل أثينا
ومسلسل أثينا بطولة ريهام حجاج، أحمد مجدي، عمر السعيد، أحمد مجدي، محمود قابيل، سوسن بدر، تامر هاشم، سلوى محمد علي، والعمل من تأليف محمد ناير، وإخراج يحيى إسماعيل.
