هل عندما أنظر إلى امرأة مش محجبة أو لبسها ملفت هل أنا زنيت؟.. علي جمعة يوضح
أجاب الدكتور علي جمعة، عضو هيئة كبار العلماء على سؤال صغير نصه: العين تزني وزناه النظر.. هل عندنا أنظر إلى مرأة مش محجبة أو لبسها ملفت هل أنا زنيت؟
هل عندما أنظر إلى امرأة مش محجبة أو لبسها ملفت هل أنا زنيت؟
وقال علي جمعة خلال برنامجه الدين والدنيا: المرأة يجب عليها ستر جسدها دون الوجه والكفين، وسقطت حرمة النظر إليهن، البنت الي بتكشف نفسها ومش راضية تتحجب سمحت للآخرين إنه ينظر لها، لما تيجي تبص متفكرش، اتعود انك تتطنش ولا تلتفت.
وفي وقت سابق، أجاب الدكتور علي جمعة، عضو هيئة كبار العلماء على سؤال صغيرة نصه: لو في شخص ميت عزيز عليا جبت الصورة بتاعته وعملتها بالذكاء الاصطناعي كأنها حقيقة وبتتحرك حرام ولا حلال؟.
وقال علي جمعة خلال برنامجه الدين والدنيا: هل هذا التحرك سيعمل في توثيق حاجة على سبيل المثال أخليه يتكلم بأنه يوصى وصية فيها كذب، وأكل الناس بالباطل، لأن التزوير ممنوع، معقبًا: هل التحرك سيكون فيه منفعة؟.
وأضاف على جمعة: لو فيه منفعة نعمله ولو مكنش فيه منفعة منعملهوش ودي حاجة جديدة علينا وعليكم كمان.. لسه الجيل اللي هيتولد ويشوف الحاجات دي هيعتبرها شئ طبيعي، لكن دي دخلت عليكم دلوقتي فأنتوا اتعلمتوها.
وتابع: طبع الإنسان لابد أن ينسى الحزن، لذلك نهى الدين عن إقامة الحداد والحزن أكثر من 3 ليالٍ حتى يزول الحزن، ولكن إذا ظل الإنسان يجدد في الحزن سيكون هذا غير مناسب لصحته النفسية والعقلية، معقبًا: أي حاجة صح حلال.. وأية حاجة غلط حرام.
