إحدى ضحايا مستريح نجع حمادي: بعت دهبي عشان أصرف على بنتي اليتيمة| صور وفيديو
تزايد عدد الأشخاص الذين حرروا محاضرَ ضد مستريح نجع حمادي الذي لقب نفسه بـ مُهاب بعد أن استولى على أموالهم من خلال إعلانات ممولة ثم أضافهم في جروبات تليجرام وبدأ في استعطافهم، إذ زعم مساعدة المحتاجين وطمأنهم ثم أغلق الجروبات واختفى.
ضحايا مستريح نجع حمادي
وقالت هند أحد ضحايا مُهاب مستريح نجع حمادي، إنها خلال التصفح عبر مواقع التواصل الاجتماعي، فوجئت بإعلانات ممولة عبر فيسبوك تروِّج لاستثمارات من خلال دفع أموال لتشغيلها في أسهم البورصة والذهب والبترول.
واستطردت هند: أنا دخلت لقيت مكتوب على الفيس بوك، إنه بيروج للمكسب الحلال والفلوس الحلال ولقيت أكتر من 12 ألف شخص دخل وكسب فلوس؛ فأنا نزلت بعت دهبي عشان أكسب واصرف على بنتي بعد ما أبوها توفى، وفجأة لقيت الإيميلات بتاعته اختفت!!
وواصلت ضحية مستريح نجع حمادي: فجأة ملقيتش فلوس جاتلي ولا أي مكسب، أنا دفعت في شهر يناير 20 ألفا، وبعد كده دفعت في شهر فبراير 30 ألفا، عشان لقيت ناس بتكسب منه، وقتها المتهم أقناعنا عشان ناس دخلت كسبت منه وقالوا إنهم دفعوا 10 آلاف وخدوهم 20 ألفا، وأنا خسرانه 50 ألف جنيه في سبيل إني دفعتهم عشان أصرف على بنتي.
وفي نفس السياق، قال المحامي محمد الغزالي دفاع ضحايا مستريح نجع حمادي، إن المتهم يدعى علاء ويطلق على نفسه مهاب، إذ كان ينشر إعلانات ممولة عبر فيس بوك وإنستجرام، قائلًا: كان بياخد الفلوس من الناس وبعد شهر يديهم الأرباح بتاعتهم، بحجة أنه بيشتري عقارات وبيستثمر فيها وبيتداول في البورصة المصرية وبيبع أسهم في الذهب والبترول.
