استجابة لـ القاهرة 24.. جهات حكومية توجه برعاية شاب من ذوي الهمم فقد مصدر دخله بالفيوم
في استجاب سريعة لما نشره القاهرة 24 للمطالبة بمساعدة شاب من ذوي الهمم بعد اشتعال النيران في التوك توك الخاص به، أصدر مجلس الوزراء قرار بمساعدة الشاب بتعويضه بتوك توك جديد بديل التوك توك المشتعل خاص به.
وجاءت هذه الخطوة عقب نشر القاهرة 24 استغاثه الشاب، إذ أصدر مجلس الوزراء توجيهاته العاجلة بتوفير توك توك للشاب.
تعود تفاصيل الواقعة عندما نشر أحد الشباب من محافظة الفيوم استغاثة لشاب من ذوي الهمم وجاء فيها:
شاب بسيط عنده إعاقة حركية، جايب توك توك بيشتغل عليه، للأسف النهاردة الصبح التوك توك حصل فيه ماس كهربائي والنار اشتعلت فيه، أمام عيادات إطسا الشاملة.. كان صعبان عليا جدا بكاء الشاب ده، واتقهرت لبكائه ونظراته وهو شايف التوك توك بتاعه بيتحرق قدام عينيه ومش قادر يعمل حاجة.
اتقهرت أكثر لما عرفت أن هو عنده إعاقة حركية، ولما شفته وشفت زملائها بيسندوه علشان يمشي معاهم بعد ما التوك توك حرفيا أتفحم من النار.. واللي طفي النار عربية النافوري التابعة لشركة المياه.. ليا طلب ورجاء عند أهل الخير في مركز إطسا وعند المجتمع المدني كله (جمعيات وأحزاب، ورجال أعمال وأي فاعل خير) الشاب ده أنا عرفت كل تفاصيل عنه وجبت بياناته ورقم تليفونه.. عاوزين نساعده ونجيب له توك توك يشتغل عليه، أو أي مشروع يتعمل له، بس يكون مشروع مناسب لظروفه الصحية.
جهات حكومية توجه برعاية شاب من ذوي الهمم فقد مصدر دخله بالفيوم
