صغيرة العاشر من رمضان ضحية التعدي بحمام عمومي بالتحقيقات: فتح عليا اباب وقالي لو اتكلمتي هدبحك| خاص

يواصل القاهرة 24 نشر التحقيقات التي حصل عليها في واقعة التعدي على صغيرة العاشر ضحية التعدي عليها داخل حمام عمومي، وقالت الصغيرة أمام جهات التحقيق: أنا كنت مع ماما في السوق وسبتها ورحت دخلت الحمام اللي جنب الجامع اللي هو جنب السوق وأنا بعمل حمام لقيته فتح عليا الباب وقالي لو اتكلمتي هدبحك بالسكينة.

تحقيقات صغيرة العاشر من رمضان ضحية التعدي في حمام عمومي

وأضافت صغيرة العاشر من رمضان: حط إيده على بقي وتعدى عليا وأصابني ووقتها صرخت، وسابني أنا جريت على ماما حكتلها اللي حصل والناس مسكوا الراجل، وده كل اللي حصل.

وقالت والدة صغيرة العاشر من رمضان، اللي  حصل إن أنا يوم الخميس باخد روناء بنتي معايا هي واخواتها البنات بخدهم السوق علشان أنا مطلقة والنهارده روناء سابتني وأنا فارشة في السوق، وبعد ربع ساعة لقيتها راجعة وخايفة، وبتقول إن فيه واحد دخل وراها الحمام وهددها بالسكينة وعورها في رجلها، وأنا مهتمتش بالكلام، وبعدين مسكتها من إيدها وقلتلها تعالي وريني الراجل ده ولقيت الناس ماسكينه واتنين حريم بيقولولي احنا خلينا الناس يمسكوه ورحنا علمنا محضر في القسم وجينا على هنا وده كل اللي حصل.