أحمد الفيشاوي: شربت مخدرات وجربت حاجات مُميتة.. وبتعالج نفسيا في مصحة
أكد الفنان أحمد الفيشاوي، أن معظم الشباب بنسبة 99% يمر بمرحلة شرب المخدرات، قائلا: رحت لمرحلة شرب المخدرات وماكنتش هرجع وربنا أنقذني وساعدت نفسي على العودة ومن غير ربنا كنت ضيعت، ودماغي اللي شدتني وأنا بحب أجرب وأشوف الحاجة جواها ايه.
الفيشاوي: أكبر مصيبة عملتها حرقت فندق
ونفى أحمد الفيشاوي، خلال حوار تليفزيوني، تشجيع أحد من أصدقائه له على شرب المخدرات وأنه من أراد التجربة، مضيفا: جربت الحاجات المميتة والهروين بيموت والخمرة كترها بيموت والحمد لله بعد عنها بأميال ودخلت مصحات وعندي مصحة بدخلها بشكل دوري وفي جناح باسمي في المصحة.
وكشف احمد الفيشاوي، عن أنه يذهب للمصحة النفسية حتى الآن، موضحا أن الفنان شخصية معقدة وبيكون حساس ساعات بزيادة وقد يتعرض للأذى، قائلا: بضطر أعالج نفسي لكن عمري ما أدمنت المخدرات لكن أنا بتعالج نفسيا ودخلت المخدرات بمزاجي وخرجت بمزاجي.
رد الفيشاوي، على سؤال حول أكبر مصيبة تسبب فيها خلال حياته، قائلا: أكبر مصيبة عملتها حرقت فندق كنت بلعب مع أصدقاء ليا والأوتيل كان فيه أرض واسعة زي المنتجعات اللي بتتعمل دلوقتي حدائق وأشجار وكان عندي 17 سنة.
وأوضح أحمد الفيشاوي، أن الفندق كان فيه شعلات داخلها زيت، مضيفا: قلت لأصدقائي يلا نلعب تحطيب بشعلات الزيت واللى شعلته تتكسر وتنزل النار على الزرع يبقى هو الخسران فالنتيجة الفندق كله ولع والناس جريت.
