كان بيصلي بيها التراويح| صورة لأب يحمل ابنته تتصدر تريند السوشيال ميديا.. ما القصة؟
تصدرت صورة لأب يحمل ابنته تريند مواقع التواصل الاجتماعي، خلال الساعات الأخيرة، وظهر الأب يحمل ابنته خلال ذهابه لصلاة التراويح في الأزهر بعد بكائها لفترة طويلة، مما آثار إعجاب مستخدمي مواقع التواصل الاجتماعي.
صورة لأب يحمل ابنته تتصدر تريند السوشيال ميديا
وشاركت الأم، صورة الطفلة ووالدها وكتبت عليها: روحنا نصلي التراويح في الأزهر، وكان نفسي أصلي فيه جدا خاصة أني مش بروحه كتير، وبنتي غزل أول ما شافت الزحام خافت وقعدت تعيط حتى وأنا شيلاها.
وأضافت الأم: ولسه بحاول اسكتها، فواحدة قالتلي: حبيبتي اطلعي بيها بره أنتي كده كده صلاتك مش مقبولة، خدتها وطلعت أعيط أنا وهي برة واتأثرت نفسيًا جدًا، وجوزي عبد الرحمن اتصل في نص الصلاة يتطمن علينا قولتله أن غزل بتعيط وأنا مستنية بره لحد ما تخلص صلاة، قالي هاجي اخد غزل وأنا هعرف اتعامل معاها.
وأكملت الأم: خدها ودخل يصلي بيها وهي سكتت في حضنه وبطلت عياط وعرف يصلي، وأنا دخلت كملت صلاتي واتبسطت بشعور صلاة التراويح من غير نظرات أو كلمات من الناس، ويومها عبد الرحمن قالي إنه شاف ناس صورته وخلاهم يمسحوا الصور كلها ومبسوطة أن الصورة ترند تاني عشان غزل تستاهل دعوات حلوة.
ولاقت صورة الصغيرة ووالدها، تفاعلًا كبيرًا بين مستخدمي مواقع التواصل الاجتماعي، إذ كتب صاحب حساب: صورة جميلة في رمضان تعبر عن حب الأب وحنيته ما شاء الله، وأضاف مستخدم آخر: ما شاء الله صورة حلوة أوي ربنا يخليهم لبعض.
