هشام ماجد: أشغال شقة 2 مفيهوش عنصرية وبعتذر لو حد اضايق.. ولا أرجح وجود جزء ثالث لو مقدمناش جديد
قدم الفنان هشام ماجد الاعتذار لكل من انتقد إفيهات مسلسل أشغال شقة جدًا، الذي يعرض حاليًا ضمن الماراثون الرمضاني وحقق تفاعلًا واسعًا على السوشيال ميديا.
وقال هشام ماجد في تصريحات تليفزيونية: العمل مفيهوش أي عنصرية أو طبقية والحاجات اللي بضايق الناس، وانزعجت من الانتقادات اللى مش في محلها أنك تنقد أو تتهمنا لمجرد النقد، ولو حد أضايق فأحنا بنعتذرله وغير مقصود على الإطلاق.
وتابع: العمل اتقدم في إطار الكوميديا كلها فرضيات بنشوفها في الحقيقة ولو حد لاحظ كده في المسلسل إحنا بنعتذرله وهنحاول بعد كده نأخد بالنا من الموضوع ده.
وأوضح هشام ماجد: كنا بنأخد بالنا أن بنقدم مسلسل عائلي كوميدي بيتفرج عليه أطفال وكنا طول الوقت واخدين بالنا متبقاش في حاجه فجة أو تحرج حد، فأتمنى يكون ده وصل للناس.
وعن موقف من تقديم جزء ثالث للعمل، رد هشام ماجد: أنا مقدرش أوعدك أن نقدر نعمله تاني ألا لو لاقينا أننا نقدر نعمل جزء ثالث أحلى من الثاني، الحقيقة إحنا قدمنا كتير في الجزء الثاني ككوميديا وتعبنا فيه محتاج تفكير كتير قبل ما نأخد خطوة مش محسوبة ولو مش هنعمله أحلى من جزء الأول والتاني بالنسبالي مش هيبقى ملوش لازمة.
مسلسل أشغال شقة بطولة هشام ماجد، أسماء جلال، مصطفى غريب، محمد عبد العظيم، وعدد كبير من ضيوف الشرف منهم آية سماحة، إسلام مبارك، ناهد السباعي، رحاب الجمل وآخرين.
