رانيا محمود ياسين: هنا الزاهد بتفكرني بنفسي وأنا صغيرة.. ولو حد شتم فنانة كده رمي محصنات
قالت رانيا محمود ياسين، إن والدها الفنان الكبير محمود ياسين لن يتكرر وكانت علاقته طيبه بكل الوسط الفني، مشيرة إلى تعلقها بأبنائها بشكل كبير، إذ هم نقطة ضعفها.
وتحدثت رانيا محمود ياسين خلال تصريحات تليفزيونية عن فترة الغدر التي تعرضت لها: حسيت إني اتغدر بيا من ناس وقفت جمبهم وأبويا وقف جمبهم، بيمشوا يتكلموا في البرامج على قد إيه محمود ياسين وقف جمبهم، وأنهم عارفين أن رانيا شاطرة جدا كممثلة ومتميزة؛ فالمفروض يجري عليا أول ما يعمل حاجة ويتقال ده دين ليا لوالدك، أنت لما بتساعد بتعمل حاجة بتضيفلك، لكن في الآخر بيكون كلام وبس.
تصريحات رانيا محمود ياسين
قالت الفنانة رانيا محمود ياسين، إنها معجبة بأداء الفنانة هنا الزاهد ومسلسلها الأخير إقامة جبرية الذي عرض قبل شهر رمضان الحالي: أنا مبغيرش من حد في الوسط الفني، وأنا بحب هنا الزاهد بتفكرني بيا وأنا ممثلة صغيرة، وعجبني تمثيلها لما عملت إقامة جبرية أنا اتفاجئت بيها، نفسي أعمل دور كده.
واستكملت رانيا حديثها: اللي غار مني كتيير في جيلي وأكبر، كنت بتفاجئ من الغيرة وكنت بتعامل مع الناس كلها ولا ببص على حد ده شكله عامل إزاي ولا أغير منه، مبقلقش من الممثل القوي ببقى عايزه أبقى زيه.
رانيا محمود ياسين: الفنان لو غلط بيتشتم أكتر من نتنياهو وترامب
كما علقت رانيا محمود ياسين على تعرض الفنانين باستمرار لانتقادات: الفنان المصري الوحيد اللي مستهدف بالشتيمة على السوشيال ميديا، الدول العربية التانية مبيحصلش كده، طول الوقت إهانات وحسبي الله ونعم الوكيل فيكم، ده لو فنان غلط غلطة بيتشتم أكتر من نتنياهو وترامب، لا بيفكروا إنه ممكن يعيا أو ينام ميقومش أو عنده ولاد أو ميعدوش إنه غلط غلطة أو ذلة.
وكشفت رانيا رأيها في حرمانية الفن: ماليش دعوة بحرام أو حلال لأن الفن ده بقاله 100 سنة سينما، ولو دخلت شتمتي فنانة يبقى ده رمي محصنات أو قولتي على واحد دياثة ده كده أنت بتهينه قدام أهله.
