إلهام شاهين: الناس بقت بتخاف مني بسبب شخصية اعتماد.. وغيّرت صوتي علشان الشخصية تطلع بالشكل ده
حققت إلهام شاهين رد فعل كبيرًا منذ عرض أولى حلقات مسلسل سيد الناس، بتقديم شخصية اعتماد، والذي تفاعل معه عدد كبير من المشاهدين، كما احتلت مشاهدها تريند السوشيال ميديا.
إلهام شاهين: الناس بقت بتخاف مني بسبب شخصية اعتماد وغيّرت صوتي علشان تطلع بالشكل ده
وقالت إلهام شاهين في تصريح خاص لـ القاهرة 24: سعيدة برد الفعل حول شخصية اعتماد وحاولت أقدم بيها شخصية الست الجامدة والشريرة بشكل جديد، وأشتغل على كل تفاصيل الشخصية من الصوت للنظرة لكل حاجة، والناس دلوقتي بقت بتخاف من اعتماد وبتستني تشوف رد فعلها على كل حدث بيحصل في المسلسل.
وأضافت: أنا لا أفكر في تقديم أدوار وخلاص ولكن لازم الدور أو الشخصية اللي أقدمها تكون مختلفة خصوصا إني قدمت العديد من الشخصيات على مدار تاريخي الفني.
مسلسل سيد الناس بطولة عمرو سعد، إلهام شاهين، أحمد رزق، أحمد زاهر، أحمد فهيم، طارق النهري، منة فضالي، أنجي المقدم، نشوى مصطفى، ياسين السقا، بشرى، رنا رئيس، إسماعيل فاروق، وعدد من ضيوف الشرف منهم خالد الصاوي وكريم عفيفي.
وغابت إلهام شاهين عن الموسم الرمضاني الماضي وكان آخر أعمالها مسلسل بطلوع الروح، بطولة منة شلبي تأليف محمد هشام عبية وإخراج كاملة أبو ذكري وشارك في العمل كل من أحمد صلاح السعدني، محمد حاتم، عادل كرم، أيمن عزب، عزت زين.
