بدرية طلبة: أنا مش بنام ورافضة وفاة جوزي.. وعدم وجودي في دفنته وجعني

عبَّرت الفنانة بدرية طلبة، عن استيائها الشديد من التعليقات المسيئة لها على السوشيال ميديا التي اتهمتها بقتل زوجها عقب إعلان وفاته، قائلة: واحدة كتبت تعليق تقول إني قتلت جوزي وسافرت؟! مستنكرة لجراءتها في طرح أمر مثل هذا، ومضيفة أن محاميها سيتخذ الإجراءات القانونية حيالها لأنه اتهام صريح بالقتل.

وأوضحت بدرية طلبة، خلال ظهورها في أحد البرامج التليفزيونية المذاع على قناة النهار، أن قبل وفاة زوجها بوقت قليل باركت له لأن هناك مهرجانا أقيم في الإسكندرية حمل اسمه، مضيفة: كنت سيباه كويس وكنت في فرنسا بعمل مسرحية، وقبلها طلعت عمره وهو متابعنا وكان كويس.

وانهارت بدرية طلبة من البكاء قائلة: ربنا وحده وكيلي وأنا مش بنام وأنا لحد دلوقتي رافضة أنه توفى والناس ظالمه أوي ووحشه أوي، والناس طلقتنا وجوزتنا وبيقولوا سابته وهو عيان ومن الكلام ده خلوني راجعت الكاميرات بتاعتي، ممكن أكون سيبته تعبان ولقيته زي الفل، ووجهت حديثها لمنتقديها: أنتم هتكونوا أحن عليه مني ولو أنا طلقته في بنا عشرة، هحزن عليه وبنتي الكبيرة اللي كانت هنا والأحفاد عرفوا من المدرسة وانهاروا.

وأردفت: إزاي تيجوا على وحدة عايشه معاه أكثر من 30 سنة ويقولوا إني قتلته وأنا ملحقتش أدفنه وده اللي وجعني، وقلت لهم صوروا فقالوا لي لا حرام!! وكنت عايزة اطبطب عليه ومحدش عارف كواليس حياتنا، وأنا قررت دلوقتي إني أضايق اللي ضايقوني والناس دي بيضيقوني وجوزي كان عايز يموت وهما أخدوا منه المسرح وكان في مشاكل بينه وبين المكان اللي مأجر المكان، وحصل مشاكل فمشي وساب كل حاجة.