إمام عاشور: هدفي في مرمى الزمالك الأغلى لي مع الأهلي
تحدث إمام عاشور لاعب الفريق الأول لكرة القدم بالنادي الأهلي، عن العديد من الكواليس في مشواره بداية من الناشئين حتى انتقاله لصفوف القلعة الحمراء.
أبرز تصريحات إمام عاشور في بودكاست القلعة الحمراء
قال إمام عاشور في تصريحات خلال بودكاست القلعة الحمراء: من أصعب المواقف بالنسبالي حدث عندما كنت لاعبًا في قطاع الناشئين بغزل المحلة، وكانت والدتي معايا بعد نهاية التمرين.
وواصل: بعد ما خلصت التمرين المدرب قال والدتي، إمام ميجيش تاني ومش عايزينه معانا، والدتي بكت وأنا قولتلها مش مشكلة هنشوف نادي تاني ودي مش النهاية، وبعدها المدرب دا رحل وأنا تم تصعيدي للفريق الأول وبدأت مشواري في الكرة.
واستكمل إمام عاشور: ماكنتش شاغل بالي بالدراسة رغم أن والدي كان مدير المدرسة، وتركزي كله كان في الكرة.
وتطرق إمام عاشور للحديث عن زيارته الأخيرة لإبراهيم شيكا لاعب الزمالك السابق، قائلًا: الوقوف مع إبراهيم شيكا ودعمه واجب على كل لاعب، وأنا لا أجبر أحد لكن اللي قادر لازم يقف معاه.
وواصل: شيكا في يوم ما كان زميلنا في الملاعب وواقف على رجله، وإن شاء الله الفترة الجاية يرجع تاني بعد شفائه.
وعن هدفه الأغلى في مشواره مع الأهلي، قال: هدفي في مرمى الزمالك بنهائي كأس مصر، حيث حققنا الفوز وقتها بنتيجة 2-0.
