محمد رمضان في مدفع رمضان: غيبت رمضان اللي فات والسنادي برد جميلكم عليا

السبت 01/مارس/2025 - 06:38 م

عرضت الحلقة الأولى من برنامج مدفع رمضان، تقديم الفنان محمد رمضان، على قناة دي إم سي بعد أذان المغرب مباشرةً.

وبدأ الفنان محمد رمضان الحلقة قائلًا: بعتذر عن غيابي رمضان اللي فات والسنادي عامل مسلسل بطولتكم إنتوا، كل رمضان كنت ببقى مع عيلتي الصغيرة ورمضان ده مع عيلتي الكبيرة، وكل رمضان كنتوا بتفرحوني بنجاحي وأنا السنادي هفرحكم إنتوا، إنتوا السبب في رزقي ونجاحي ومدفع رمضان ده رد جميلكم.

برنامج مدفع رمضان الحلقة الأولى

وبدأ محمد رمضان في الفقرة الأولى من مدفع رمضان، قائلًا: نزلت الساعة 3 العصر في محطة مصر وقولت هكّسب أول شخص هقابله معاه تليفون من غير كاميرا وصاحب النصيب أخد 100 ألف جنيه.

وتابع محمد رمضان: الفقرة التانية إن عربية مدفع رمضان مقدمة من اتصالات عشان تغطي الأماكن اللي مش هقدر أغطيها في مصر.. عربية راحت مطروح عشان تكتب أحلام الناس.. وحد منهم هيكسب مليون جنيه ليلة العيد.. وقلبي بيوجعني على الأحلام اللي مش هتتحقق.