فتاة تستغيث من صاحبة صالون تجميل بعد تركها العمل: هددتني بالقتل والتشويه وسلطت عليا عربية تدوسني
استغاثت فتاة تدعى نورهان شعبان من تهديدات صاحبة العمل السابقة المالكة لصالون تجميل لها، مدعية أنها لم تكتفِ بملاحقتها بعد تركها للعمل، بل حطمت مكان عملها الجديد، وسرقة محتوياته، ووجهت لها تهديدات مباشرة بالاعتداء الجسدي.
صاحبة صالون تجميل تهدد فتاة بالقتل بعد تركها العمل
وعن تفاصيل الواقعة، قالت نورهان في تصريحات لـ القاهرة 24: كنت بشتغل مع واحدة سبتها، وروحت مكان تاني، وراحت المكان اللي بشتغل فيه وكسرته، ومش سيباني في حالي، وسلطت عليا عربية تدوسني وموتسيكل، وهددتني أنها هتعمل فيا حاجات كتير.
واستكملت: روحت عمتلها محضر من كام يوم، وكسرت المكان اللي أنا شغالة فيه حاليا، وسرقت حاجات كتير من المكان، وقعدت تشتمني، وهي ماشية بردو قالتلنا مش هسيبكم في حالكم ونهايتكم على إيدي.
وزعمت نورهان شعبان، أن صاحبة صالون التجميل، معروفة بسلوكها العدواني، وأنها سبق وتعاملت بنفس الطريقة مع موظفين آخرين تركوا العمل لديها، وتعتمد على أساليب الترهيب.
