أحد الضحايا يكشف في التحقيقات كيف سقط فريسة لـ عصابة منصة fbc: هددوني بخسارة فلوسي| خاص
منصة FBC.. كشفت التحقيقات تفاصيل القبض على تشكيل عصابي يتزعمه 3 عناصر يحملون جنسيات أجنبية موجودين بالبلاد مرتبطين بشبكة إجرامية بالخارج متخصصة في مجال النصب والاحتيال الإلكتروني والاستيلاء على أموال المواطنين بزعم استثمارها لهم عبر منصة إلكترونية بمسمى FBC.
جاء ذلك بعد اتفاقهم مع 11 شخصا لتأسيس شركة بالقاهرة لممارسة نشاطهم الإجرامي والترويج للمنصة عبر وسائل التواصل الاجتماعي وتطبيق الواتس آب مقابل عمولات مالية وكذا توفير خطوط هواتف محمولة لتفعيل محافظ إلكترونية عليها ببيانات وهمية لاستخدامها في تلقي وتحويل الأموال المستولى عليها، وعقب ذلك جرى غلق المنصة ومقر الشركة.
التحقيقات تكشف كيف سقطت عصابة منصة fbc
وحصل القاهرة 24 على التحريات في سقوط عصابة منصة fbc، وجاءت أقوال أحد الضحايا: اللي حصل إن جالي رسالة على الواتس اب من رقم غريب بيقولي إن هم شركة تسويق شبكي وفيه شغل بدوام جزئي إني أخد سكرين شت من قنوات هم عاملينا وأحطها على الإنستجرام، وفعلًا كملت سكرين شوت لـ 3 فيديوهات وبعتولي فلوس على رقم فودافون كاش بتاعي، وبعد كده قالولي هندخل في مرحلة ثانية زي نظام جدول تدفع 1000 تأخذ 1600 أرباح، وفعلًا دفعت في الأول 300 جنيه وأدوني 390 جنيها وبعد كده دفعت 1000 جنيه وأدوني 1990 جنيها.
وأضاف أحد الضحايا: وبعد كده دخلوني في مرحلة تالته فدفعت 2000 جنيه وبعد كده قالولي عشان تاخد أرباح هتدفع 10000 جنيه كمان، وبعدها دفعت 14080 جنيها، ثم 5080 جنيها ومكنتش بأخد أرباح لأنهم كانوا بيقولولي محتاج أخلص كل المهام عشان أخد فلوسي لحد ما وصلت إلى دفع 886128 جنيها وفضلنا كده كتير بنلف حوالين بعض لحد ما عرفت إنهم نصب وبعد كده رحت بلغت في تكنولوجيا المعلومات.
س: ما تفصيلات بلاغك بشأن الواقعة؟
ج: اللي حصل إن جالي رسالة على الواتس أب من رقم غريب بيقولي إن هما شركة تسويق إلكتروني وفيه شغل بدوام جزئي أعمل خلاله مهمات تسويقية زي لايك "إعجاب" على منشورات معينة وأبعتلهم سكرين شوت بأني عملت لايك، وبعدين إدونى شوية مهمات بسيطة على برنامج التليجرام عشان أعمل لايك ولما عملتهم قالولي ابعتلنا رقمك عشان نبعتلك الفلوس وفعلًا بعتولي 60 جنيها.
وأضاف: وبعد كده أدوني مهمات جديدة حاجة زي لينك وبيختار منه اختيارات عشان أدفع مبلغ والمبلغ ده يرجعلي بأرباح، وفعلًا أشتركت في اختيار الـ 300 جنيه وفعلًا رجعولي بعدها 390 جنيها، وأنا كنت بدفع الفلوس عن طريق أرقام فودافون كاش وبيجيلي الأرباح على رقمي، وبعد كده كل شوية المبالغ كانت بتكثر ومكنتش بعرف أطلع من البرنامج لأنهم قالولي لو طلعت هتخسر كل فلوسك، وبعد كده دفعت 1000 جنيه وكنت مستني الأرباح بتاعتي لكن قالولي إن حصل عطل في البرنامج ولازم أدفع زيهم ثاني وفضلنا كده كثير بنلف حوالين بعض لحد ما عرفت إن ده نصب وبعد كده رحت بلغت في تكنولوجيا المعلومات.
س: وما هي بادرة تعارفك مع المشكو في حقهم؟
ج: وقت ما جالي رسالة من رقم غريب.
س: وما هي فحوى تلك الرسالة تحديدًا؟
ج: هي كانت عبارة عن شغل بدوام جزئي وأنى لما أعمل لايكات وهاخد أرباح.
س: وما هو الرقم القائم بإرسال تلك الرسائل لك؟
ج: أنا مش فاكر.
س: وما مدى علمك بشخص القائم بإرسال تلك الرسائل؟
ج: أنا معرفوش
