ابنة المقتولة على يد زوجها بأسيوط: كانت بتطلع أصوات غريبة وبابا طعنها وقالي متخفيش بهزر معاها |خاص
كشفت التحقيقات في القضية التي حملت رقم 150 لسنة 2025، والمتهم فيها أحد الأشخاص بــ قتل زوجته والتي تدعى ش. ع، مع سبق الإصرار والترصد بأبنوب في محافظة أسيوط، عن أن المتهم بيت النية وعقد العزم على قتلها، وأعد لذلك سلاحا ناريا، وتوجه إلى حجرتها، وما أن ظفر بها حتى أطلق صوبها عيارا ناريا بفرد خرطوش، فأحدث ما بها من إصابات والتي أودت بحياتها.
تحقيقات قاتل زوجته بأسيوط
وأمام جهات التحقيق قالت يارا ابنة المجني عليها: اللي حصل إني كنت نايمة في أوضتي وماما نايمة جنبي وصحيت على صوت فرقعة جامدة وببص لقيت ماما بتعمل أصوات غريبة وعماله تاخد نفسها بسرعة، وأنا فضلت أقولها مالك يا ماما وماكنتش بترد عليا.
وأضافت: خفت وفضلت أصرخ وأقول مالك يا ماما ردي عليا، وهي ماكنتش بترد، ولقيت بابا واقف عند باب أوضتي، ولما بصتله قالي متخفيش يا يارا دا أنا بهزر مع مامتك وهي كويسة ومفيهاش حاجه.
وتابعت: بابا كان ماسك حاجة في إيده ومخبيها ورا ضهره، بعد كده طلع بره الأوضة وأنا طلعت وراه علشان أفهم في أيه، واسأله ماما مالها، ولما طلعت لقيته ماسك كيس أسود وخد الكيس الأسود ده وفتح باب الشقة ونزل، وأنا رجعت الأوضه عشان أشوف ماما مالها وأول لما رجعت الأوضة وفتحت النور لقيت ماما غرقانة في دمها، وأنا فضلت أصرخ وجريت على بيت عمتي اللي ساكنة تحتنا وقلتلها اللي حصل وهي طلعت معايا بسرعة، وأول لما شافت ماما فضلت تقولها يا شيماء مالك وأصحي يا شيماء بس ماما ماكنتش بترد علينا، بعدها عمتي كلمت الإسعاف وجت خدت ماما ودا كل اللي حصل.
