جوزها كان بيهددها بالقتل.. الصديقة المقربة لـ آية عادل تكشف تفاصيل اللحظات الأخيرة قبل وفاتها| خاص
تصدر اسم آية عادل تريند مواقع التواصل الاجتماعي خلال الساعات القليلة الماضية، بعد أن تداول مستخدمو مواقع التواصل الاجتماعي، منشورات حول وفاة آية عادل صالح، مصرية مقيمة في الأردن مع زوجها، والذي يعمل بإحدى المؤسسات الحقوقية.
الصديقة المقربة لـ آية عادل تكشف تفاصيل اللحظات الأخيرة
وقالت صديقة مقربة لـ آية عادل في تصريحات خاصة لـ القاهرة 24، إن زوج آية كان شغال في الأمم المتحدة، وكان دايما بيتكلم عن القتل والعنف، وهي خافت منه بسبب كلامه ده، وهو معقد نفسيًا وكانت بتقول عليه إنه سادي وبيعذبها بالحديد وبدأ يهددها بالقتل ويقولها محدش هيعرف عنك حاجة والقانون مش هيقدر يمسك عليا حاجة خالص.
وأضافت: حتى الطب الشرعي أثبت أنها متعذبة برجليها، وكان بيقولها أسعد لحظات حياتي وأنت بتتعذبي، وكان ملحد معندوش دين وكان مدعي الإيمان والصلاة وطول النهار يشتم في الدين والإسلام وكان عاوزها تقلع الحجاب وهي كانت مستحمله عشان ابنها بس.
وواصلت: الولد بسبب الجو الأسري اللي كان عايش فيه جاله توحد، أبوه كل شوية يعذب في أمه ويضربها، وهي بتصرخ فالولد أدمر نفسيًا، وكانت دايما بتقول نفسي ربنا يبارك في عمري عشان ابني، ومستحملة الذل والإهانة بالمنظر ده عشان ابنها طب إزاي هتنتحر وابنها المتوحد ميعرفش غيرها، وكل ما تطلب منه طلب كان بيرفض، ويقولها عمري ما هجبلك حاجة وماتت بإسدال الصلاة.
