وقف على الكبوت.. سايس يهشم سيارة سيدة بمنطقة قصر العيني لرفضها دفع رسوم إضافية
تعرضت سيارة سيدة تُدعى رانيا يوسف لاعتداء من قِبل سايس في منطقة قصر العيني بالقاهرة، بعدما رفضت دفع رسوم إضافية مقابل ركنها.
سايس يهشم سيارة سيدة بمنطقة قصر العيني بسبب رفضها دفع رسوم إضافية
وفي تصريحات لـ القاهرة 24، أشارت رانيا إلى تفاصيل اعتداء السايس على سيارتها قائلة: الواقعة حصلت قصاد مدرسة هدي شعراوي في شارع جانبي من شارع قصر العيني، وركنت على الساعة 8:30 صباحا والحادثة كانت 11.
وواصلت: السايس دمر زجاج السيارة، علشان طلب فلوس زيادة ورفض إني أتحرك بالعربية وقالي لو جدعة اخبطيني، وفضلت جوة العربية وقفلتها عليا أنا وابني، ومعجبوش الحال لإني موقفة حاله طبعا راح طالع على الكبوت وقف عليه وقعد يرزع لحد ماطلع علي سقف العربية وانا جواها.
واختتمت: نزل على الأرض وفضل يرزع على الزجاج لحد ما عمل فيه كده، طبعا استريح وراح بعد عن العربية طبعًا أنا اتحركت وجريت خفت يرجع يعمل مصيبة تاني، حسبنا الله ونعم الوكيل فيه وفي كل اللي بيساعده وبيشجعه.
