زيزو: الظروف جوه الزمالك مش أحسن حاجة.. وعشت فيه أحسن 5 سنين في حياتي
قال أحمد سيد زيزو لاعب الفريق الأول لكرة القدم في نادي الزمالك إن عقده لا يزال مستمر مع القلعة البيضاء، ولم يحسم مصيره حتى الآن.
تصريحات أحمد سيد زيزو
وأضاف أحمد سيد زيزو لاعب نادي الزمالك في تصريحات تليفزيونية: عندي عقد في نادي الزمالك لسه مستمر، لكن بعد نهاية العقد لسه مش عارف هعمل إيه، وفيه لاعيبة في الزمالك عقودهم هتنتهي، ولازم ياخدوا نفس الأهمية الخاصة بـ زيزو، وكل الأرقام اللي بتتقال على الميديا مش صح.
واختتم لاعب الزمالك تصريحاته: عمري ما أنكرت أن نادي الزمالك هو اللي صنع شعبية زيزو، عشان في ناس بتزايد على الموضوع ده، ومش بحب أتكلم وأقول أي كلام وخلاص، وفيه ناس محسوبين على أبناء نادي الزمالك بيقولوا كلام مش صح وبيبقى فيه مزايدات، والظروف جوه نادي الزمالك مش أحسن حاجة، وأنا عشت فيه أحسن 5 سنين في حياتي.
وينتهي عقد أحمد سيد زيزو مع نادي الزمالك بنهاية الموسم الجاري، ولم يحسم مجلس الزمالك ملف تجديد التعاقد مع اللاعب حتى الآن.
