نصابة وعاملة 20 بطاقة.. ابن شقيق زوجة سفاح المعمورة يكشف كواليس القبض عليهما
تصدر اسم سفاح المعمورة، تريند مواقع التواصل الاجتماعي خلال الساعات الماضية، بعد العثور على الضحية الثالثة، والتي تعود إلى رجل اختفى منذ 3 سنوات، وخلال الأيام الماضية عثرت الشرطة على جثتين لسيدتين إحداهما كانت زوجته والأخرى موكلته، وأثارت تلك القضية حالة غضب واسعة بين مستخدمي مواقع التواصل الاجتماعي.
وقال أحد أقارب زوجة السفاح الثانية، ويُدعى عبد المنعم إمبابي، في تصريحات لـ القاهرة 24: عمتي اتجوزت سفاح المعمورة من شهرين واحنا عرفنا بالصدفة، ده غير إنها نصابة وطلعت عاملة 20 بطاقة وبتنصب على ناس من أماكن مختلفة، على أنها بتعمل جميعات، واحنا عرفنا ده لحد ما اتقبض عليها، وهي أصلا رامية ابنها في الشارع من زمان.
وتابع: اللي حصل إن عمتي اتطلقت من 6 سنين، لكن تفاجأنا إنها متجوزة من سفاح المعمورة من شهرين، وهو كان حاطط في دماغه يقتلها ويبيع أعضاءها.
ابن شقيق زوجة سفاح المعمورة يكشف كواليس القبض عليهما
وأضاف: الخميس اللي فات عمتي وصاحبتها كانوا رايحين للسفاح بيته وشربوا خمرة وكده، وهو كان معاه صاحبه وسكروا، وبعدها قال محدش يدخل الأوضة دي عشان مقفولة، وعمتي ساعتها، ماكنتش في وعيها، ولما دخلت الأوضة اللي هو قال محدش يدخلها، لقت حفرة فيها جثتين، وهو كان هيقتلها لما صوتت، بس معرفش عشان مكنش في وعيه، ولما صوتت الجيران سمعت وجابوا الشرطة وجت خدتهم كلهم.
