بستخدم العنف مع الطلبة.. أول تعليق من مُعلم اللغة العربية صاحب فيديوهات سبّ التلاميذ على تيك توك
هو ده أسلوبي ومش هغيره.. هكذا كان أول تعليق لـ مُعلم اللغة العربية الشهير بـ مستر رفعت البابا بعد تعرضه لهجوم حادّ عبر منصة تيك توك بسبب ألفاظه الخارجة وأسلوبه غير الأخلاقي مع الطلاب خلال جلساته في الدروس الخصوصية.
أول تعليق من معلم اللغة العربية بسبب فيديوهات سبّ التلاميذ
وقال رفعت عيد مُعلم اللغة العربية، خلال حديثه مع القاهرة 24، إن هذا الأسلوب غير اللائق هو الأفضل من وجهة نظره للتعامل مع الأجيال الحالية، قائلًا: اللي عايز ييجي يحضر عندي أهلًا وسهلًا، اللي مش عايز ميحضرش.
وأضاف مُعلم اللغة العربية: تعالوا اقعدوا مكاني وشوفوا الأجيال الجديدة عاملة إزاي، وده مبرر كافي لأسلوبي.
وأردف مؤكدًا استخدامه الأسلوب غير اللائق مع الطلاب في الدروس الخصوصية: أنا بستخدم العنف مع الطلبة، وأي واحد بيعمل حاجة مش عجباني بيكون ده أسلوبي معاه، وهي دي الطريقة اللي بتجيب نتيجة معاهم.
المُعلم: أي ولي أمر يعترض على أسلوبي ياخد ابنه من عندي
وأضاف رفعت: لكن في حصص البنات مش بعمل حاجة، والعنف ده في حصص الولاد فقط، وأي ولي أمر يعترض على أسلوبي ياخد ابنه من عندي، وفيه أولياء أمور بـ يقولولي خد العيال كسرها واعمل فيهم اللي أنت عايزه بس المهم يشتغل.
ويُذكر أن انتشرت مقاطع مصورة عبر منصة تيك توك، لمُدرس لغة عربية شهير بـ مستر رفعت البابا.. وبّخ الطلاب أثناء جلوسهم في الدرس الخصوصي بألفاظ نابية وغير أخلاقية، ما أدى إلى إثارة هجوم لاذع من قبل مُستخدمي تيك توك خلال التعليقات على الفيديوهات.
هجوم على مُعلم لغة عربية بسبب فيديوهات سبّ التلاميذ على تيك توك
وتداول مُستخدمو منصة تيك توك فيديوهات مُعلم اللغة العربية لطلاب ثانوية عامة خلال جلستهم بالدرس الخصوصي، حيث وجه للطلاب ألفاظًا غير أخلاقية وتعامل معهم بأسلوب عنيف.
