تداول منشور منذ عامين لاختفاء رجل يحمل مواصفات الضحية الثالثة لسفاح المعمورة بالإسكندرية
نشرت سيدة من محافظة الإسكندرية تدعى سارة محمد، منذ عامين منشورا، عن اختفاء والدها في ظروف غامضة عقب ذهابه لبيع منزل خاص به مع أحد المحامين.
وتضمن منشور السيدة الآتي: بالله عليكم تشيروا فى كل الجروبات ممكن ربنا يجعلكم سبب فى رجوع والدى عشان قلبى وجعنى اوى.
والدى متغيب بقاله اكتر من 22 يوما ذهب لمحامي لبيع بيت ومرجعش من ساعتها حاولنا نتصل بيه رد بعد يومين وكان صوته مش طبيعى وكان جانبه المحامي وكلامه غريب وبيقول سلمولى على ناس قريابنا ماتوا كأنه بيوصلنا رساله إن فيه حاجة غلط وبعد كدا تليفونه اتقفل حاولنا نتواصل مع المحامي قالنا هو باع البيت والعربية واتجوز وسافر.
وأضافت: ازاى بابا يبيع ويمشى وشنطة ملابسه مخدهاش حتى، طيب مين الناس اللى اشتروا ميعرفش ولا معاه نسخة من العقد حتى روحنا للقسم تانى رمل قالنا لازم تروحوا عند القسم اللى تابع للبيت اللى والدكم باعوا رحنا لقسم منتزة تانى قالوا ازاى لازم تعملوا المحضر مكان الإقامة دوخنا لمدة 10ايام لحد ما جبنا محامى عملنا مذكرة غياب وطبعا معملناش بيها حاجة توجهنا لنيابة العامة واخدنا منهم تأشيرة لعمل محضرة فى قسم رمل تانى يوم 17/3يعنى بعد غياب 17يوما ولسه مش عارفين نوصل لوالدى ارجو منكم الدعاء يرجعه بالسلامه.
مع العثور على الضحية الثالثة لسفاح المعمورة بالإسكندرية، تم إعادة تداول المنشور عبر جروبات محافظة الإسكندرية، في حالة من الجدل الواسع وشك المواطنين أن الضحية الثالثة لسفاح المعمورة تخص الرجل المبلغ باختفتائه منذ عامين.
