ياسمين عز لـ الرجال في عيد الحب: هات لمراتك ذهب وألماس.. الورد جيبه لمامتك
وجهت الإعلامية ياسمين عز، بعض النصائح للفتيات والسيدات المتزوجات والرجال في عيد الحب، موضحة أن عيد الحب ليس عيدًا عربيًا ولكن هو الأجانب هم من اخترعوه.
ياسمين عز لـ الرجال في عيد الحب: هات لمراتك ذهب وألماس.. الورد جيبه لمامتك
وقالت ياسمين عز، في مقدمة برنامجها كلام الناس، المذاع عبر شاشة قناة MBC مصر: قوم اكتب الشقة باسم الزوجة، حب المرأة وحب الزوجة، اكتب ربع فدان ليها أو خد حتتين صيغة من إيد والدتك وهادي بيهم مراتك، قوم هات قلم واكتب لها شيك على بياض.
وأضافت ياسمين عز: بالنسبة للمتجوزين في عيد الحب مفيش حاجة اسمها ورد، لغوه من وقت اختراع الذهب والألماس، بلاش تلبسي أحمر غيري خليكي أخضر رمز الدولار أو أصفر رمز الذهب، أنت تجبلها كرسي جابر لأن الذهب يجي للذهب، لو غالي عليك جبلها كردان ذهب صغير أو خاتم ألماس لازم تنور إيديها الشقيانة، أما الورد تجيبه لمامتك، الذهب لازم يلمع في رقبتها عزز دي مش حماتك، أنتي يا أيتها المرأة الحزينة المتزوجة في عيد الحب خدي من جيبه وهاتي له، أشتري له أغلى حاجة متستخسريش فيه، ولو قالك أنتي جبتي حاجة قولي له لؤه.
وواصلت ياسمين عز: بالنسبة للطفلة أم 13 سنة اللي حاطة جليتر وملغبطة بينه وبين عيد الهلع، هو ممعاهوش فلوس يخرجك يا حبيبتي هو سارق فلوس الدرس، أنا مش عارفة فين الأهالي، أنتي أخرك عيد الطفولة، إحنا معندناش غير عيدين عيد الطفولة وعيد الأم، عيد الحب ده اللي اخترعوه الفرنجة.
