الطالبة المتهمة بالاعتداء على زميلتها بمدرسة سراي القبة: عايرتني بسبب التبول اللا إرادي| خاص
كشفت التحقيقات في القضية رقم 365 جنح الطفل والمتهمة فيها الطالبة ش.هـ بالتعدي على زميلتها روضة.ع وإصابتها بآلة حادة بأكثر من 40 غرزة في الوجه، داخل مدرسة سراي القبة بنات بمنطقة الزيتون بالقاهرة، تفاصيل الواقعة.
وينفرد القاهرة 24، بنشر اعترافات المتهمة بالتعدي علي زميلتها داخل مدرسة سراي القبة بنات، وإصابتها بأكثر من 40 غرزة في الوجه.
أقوال المتهمة بالتعدي على زميلتها داخل مدرسة سراي القبة بنات أمام جهات التحقيق
وقالت شهد.هـ الطالبة المتهمة أمام جهات التحقيق: اللي حصل أن النهاردة الصبح وأنا عندي حالة مرضية إني عندي تبول لا إرادي، وأنا واقفة قدام المدرسة من الخوف من الامتحان عملت حمام على نفسي فجت البنت اللي هي اسمها روضة وقالتلي ايه القرف ده فانا مسكت فيها واتخانقنا.
وأضافت الطالبة المتهمة بالتعدي علي زميلتها بمدرسة سراي القبة في التحقيقات: كان فيه زجاجة سفن جنبي رحت كسرتها على دماغها، لقيتها اتعورت وخفت وجريت وحوالي الساعة 3 العصر لقيت 2 فرد شرطة عند بيتي وقالولي تعالي معانا عايزينك في القسم، وفعلًا رحت على القسم بعدها فيه ضابط نزل معايا عند المدرسة ولقى الزجاجة اللي أنا عورت بيها البنت وبعدها وداني القسم تاني وجيت على هنا دلوقتي.
س: متى وأين حدث ذلك؟
ج: الكلام ده حصل النهاردة 21/ 1/ 2025 حوالي الساعة 8:30 الصبح قدام مدرسة سراي القبة الإعدادية.
س: ما مناسبة تواجدك بالمكان والزمان سالفي الذكر؟
ج: أنا كنت داخلة الامتحان.
س: من كان برفقتك آنذاك؟
ج: كان معايا يوسف.ن.م.
س: وما علاقتك بالمتهم الثاني يوسف.ن.م؟
ج: هو خطيبي.
س: بأي مدرسة تلتحقين؟
ج: أنا في مدرسة سراي القبة الإعدادية.
س وهل توجد علاقة أو خلافات سابقة بينك وبين المجني عليها روضة.ع.أ؟
ج: لا.
س: ما هي كيفية تقابلك مع المصابة روضة.ع.أ تحديدًا؟
ج: أنا كنت واقفة قدام المدرسة عشان داخلة الامتحان وهي كانت واقفة قدام المدرسة عشان الامتحان.
س: ما سبب تعديك على المجني عليها آنذاك؟
ج: عشان عندي تبول لا إرادي وعملت حمام على نفسي من الخوف من الامتحان وأنا واقفة فهي روضة راحت قالتلي ايه الفرف ده فمسكنا في بعض.
