في حاجات متعديش بسهولة.. هجوم قوي من شوبير على ناصر ماهر بعد إيقافه
وجه الإعلامي أحمد شوبير، هجوما قويا على ناصر ماهر لاعب فريق الزمالك، بعد إيقافه لمدة 3 مباريات بعد تعديه على لاعب الإسماعيلي دون كرة، ما اضطر حكم اللقاء إلى إشهار البطاقة الحمراء في وجهه.
تصريحات الإعلامي احمد شوبير
وقال شوبير في تصريحات إذاعية: من الحاجات اللي مضايقاني جدًا إنك يا ناصر يا ماهر خدت 3 مباريات إيقاف بلا سبب، وناصر من اللاعيبة اللي بيعجبوني جدا فليه بلا أدني مبرر لسه نازل وبقالك فترة مصاب وغايب والراجل بيعتمد عليك والزمالك فيه غيابات كثيرة.
وأضاف شوبير قائلا: أنا مليش علاقة أنت عندك مشاكل ولا لأ، أنت لعيب في نادي الزمالك فيه حاجات متعديش كده بسهولة لازم الناس تقف عليها في حاجات متعديش ببساطة وسهولة يا ناصر.
واختتم شوبير تصريحاته قائلا: فيه ناس قعدت تكتب والعقوبة هتخفف وهيبقى الإيقاف مباراتين عشان ماتش الأهلي، ياعم ما فيه لايحة بتحكم كل شيء في لايحة تم تطبيقها، والسؤال بقه أنا كنادي استفدت ايه من تهور بلا داعي؟.
