والد ضحية دهس على يد عضو شركة ألبان شهيرة بالجيزة: مكنتش شوفته من 3 أيام| تحقيقات
كشفت التحقيقات في القضية رقم 16150 لسنة 2024، جنح قسم كرداسة، أن جهات التحقيق تتهم م.م عضو في إدارة شركة ألبان شهيرة، بالتسبب في وفاة عمرو أحمد ومحمد ماجد، بسبب إهماله وعدم احترازه، في الواقعة التي يعود تاريخها إلى 27 نوفمبر من العام الماضي.
مصرع 2 في حادث دهس على يد عضو مجلس إدارة شركة ألبان شهيرة
وأمام جهات التحقيق، قال أحمد.ح والد المجني عليه: اللي حصل أن يوم الخميس 2024/11/21 الساعة 2 صباحا كنت في البيت ولقيت تليفون جالي من حد معرفوش بيقولي ابنك عمل حادثه بالموتوسيكل بتاعه على محور 26 يوليو بالجيزة واتوفی، وأنا ابني فعلا عنده موتوسيكل بجاج لونه أسود في اصفلار وروحت مكان الحادثة لقيتهم خدوا أبنى على المستشفى ولقيت دم مكان الحادثة بتاع ابنى وأجزاء متكسرة من الموتوسيكل لكن ملقت موتوسيكل ابني.
وأضاف والد المجني عليه: الحادثة حصلت يوم الخميس 2024/11/21 الساعة 2 صباحا على محور 26 يوليو اتجاه أكتوبر كرداسه الجيزة، ومعرفش اللي خبط ابني قبل كده بس الناس في المستشفى قالولي كان راكب عربية بي ام اكس 6 سوداء واسمه م.م، وشوفته في المحضر في القسم، وكل اللي شافوا الحادثة وقابلتهم في المستشفى بيقولوا إنه هو.
وواصل والد المجني عليه: آخر مرة شوفت ابني من حوالي 3 أيام عشان أنا كنت بايت في بيت والدتي بقالي 3 أيام وبتهم م.م بدهس ابني والتسبب في وفاته.
وفي وقت سابق، حددت محكمة مستأنف جنح كرداسة جلسة 18 فبراير 2025 المقبل لنظر حبس عضو مجلس إدارة في شركة ألبان شهيرة بتهمة دهس طالبين في الجيزة 3 سنوات وإلزامه بكفالة 100 ألف.
وكان محمد مرعي المحامي عن ورثة المجني عليه عمرو، دفع أن محكمة الجنح غير مختصة باعتبار أن الواقعة مقترنة بجناية مخدر، وينعقد الاختصاص بمحكمة الجنايات وليس محكمة الجنح، فقررت المحكمة حبس المتهم 3 سنوات في القتل الخطأ.
وفي وقت سابق، قررت محكمة جنح كرداسة، حبس عضو مجلس إدارة شركة ألبان شهيرة، 3 سنوات مع الشغل وتغريمه 100 ألف جنيه في اتهامه بالتسبب في وفاة شابين أعلى محور 26 يوليو، في حادث تصادم مع سيارة ملاكي تحت تأثير المواد المخدرة.
