أسوأ خدمة في مصر ومفيش ضمان.. هاشتاج بلاش LG يتصدر موقع إكس بسبب شكاوى العملاء
تصدر هاشتاج بلاش LG تريند منصة إكس x خلال الساعات القليلة الماضية، حيث حذر عدد كبير من مستخدمي المنصة، من شركة LG، بسبب عدم وجود ضمان لمنتجاتها، وسوء خدمة ما بعد البيع، والتواصل السيئ مع العملاء.
شارك مستخدمو منصة x منشورات عبر حساباتهم الشخصية، عن تجاربهم مع شركة LG، حيث كتب أحد الأشخاص: مكان بقي الأسوأ في مصر، وخدمة ما بعد البيع صفر، ومفيش أي تقدير أو احترام للعميل.
بلاش LG هاشتاج يتصدر موقع إكس
وأضاف مستخدم آخر عن خدمة ما بعد البيع عبر حسابه: أسوأ خدمة LG خاصة بعد البيع، زي الزفت، لو فاكرين نفسكم شركة محترمة يبقى تتعاملوا مع العملاء باحترام، لكن اللي بيحصل منكم ده لا يدل إنكم شركة محترمة.
وكتب صاحب حساب: الميكرويف عندي باظ وهو في الضمان، روحت أصلحه قالي محتاج تغيير المحول.. طيب يا عم غير المحول.. قاللي المحول ببلاش بس التركيب بفلوس.. طيب يا عم هات وأنا أركبه بنفسي.. لا والله ده سيستم سيئ يا ريت تقفلوا الشركة.
وواصل مستخدم آخر: أنا متغاظ لأن سعره غالي وتليفزيون جميل فعلًا، لكن إنه يبوظ بعد الفترة القليلة دي بدون أي عيوب استخدام حاجة مستفزة، والمفروض الشركة تقدر الموقف وتتعاون معانا، لكن المفاجأة لما رجعت كلمتهم ووافقت على الإصلاح بالمبلغ اللي قالوا عليه 32 ألف قالولي لا التكلفة دلوقت بقت 41 ألف #بلاش LG ولا أنصح بيهم.
