إيناس الدغيدي تثير الجدل من جديد: الزواج بدون ورق ومأذون مش علاقة محرمة
كشفت المخرجة إيناس الدغيدي رأيها في المساكنة، وسبب تأييديها لهذا الرأي، موضحة أن الزواج من وجهة نظرها بدون ورق أو مأذون ليس مُحرمًا.
وقالت إيناس الدغيدي عن هذا الأمر، في تصريحات تلفزيونية: أنا قولت إنه حلال لو أنا بعرض عليه وهو بيوافق.. والناس بتعرف.. لأن الجواز في الإسلام عندنا عرض وقبول وإشهار، وزمان مكنش فيه ورق كانوا بيمشوا في الشارع يقولوا فلانة تزوجت فلان، وعملتها في مذكرات مراهقة.. وهو دا الجواز.
وأضافت إيناس الدغيدي: الزواج بدون ورق ومأذون مش علاقة محرمة، لأن أنا لو معلنة العلاقة والناس شيفاها وشاهدين إن أنا وهو مع بعض وهو مش معارض وأنا موافقة تبقى مش علاقة محرمة.. العلاقة المحرمة لما تكون خافي العلاقة ومفيش حد شايفها أو بتاخدها غصب عنها.
وفي سياق آخر، سبق كشفت المخرجة إيناس الدغيدي رأيها في منع فيلم آخر المعجزات من العرض بمهرجان الجونة السينمائي بدورته السابعة، مشيرة إلى أن الرقابة يوجد لديها مشاكل مع الأفلام في البداية ولكن بوجود مفاوضات يتم التوصل إلى نتائج للمنع أو العرض.
وتحدثت الدغيدي خلال لقائها مع القاهرة 24، عن هذا الأمر قائلة: مشفتش الفيلم علشان أتكلم عنه، ولكن من حق الرقابة تدخل في القوانين والرقابة طول عمرها عندها مشاكل مع كل الأفلام في الأول، ولكن بيحصل مناقشات وبنوصل لـ نتائج متقاربة بين الاتنين، وأنا طول عمري عندي مشاكل مع الرقابة بسبب الأفلام، فالوقت كان ضيق أن يحصل النقاش ده، إنما كل الأفلام بيبقى فيها نقاشات.
