خاطب 2 في نفس الوقت وأهله موافقين.. التيكتوكر سارة شيندي عن فسخ خطبتها: واخد مني فلوس الدبلة
ظهرت التيكتوكر سارة شيندي عبر صفحتها الشخصية على منصة تداول الفيديوهات تيك توك، تروي أمام مُتابعيها تفاصيل وأسباب فسخ خطوبتها بعد اكتشافها خيانة خطيبها لها -على حد قولها- وخطبته من فتاة أخرى في نفس وقت خطبتهما.
وقالت سارة خلال فيديو لها: أنا سبت خطيبي عشان كان خاطب واحدة تانية في نفس الوقت، وكان بيبعت لها نفس الكلام اللي بيني وبينه، وبيكرر معاها نفس المواقف اللي كانت معايا، وكان بيتخانق معايا ويروح لها ويتخانق معاها ويجيلي، دخول بيوت الناس مش لعبة.
سارة: أخد مني فلوس دبلة الخطوبة
واستكملت سارة تفاصيل فسخ الخطوبة: أخد مني فلوس دبلة الخطوبة، ولما طلبت منه يرجعها قال لي أصل أنا عندي مشاكل ومش هعرف أبعتهالك دلوقتي.
وأوضحت موقف أسرته عندما سألها أحد المُتابعين، قائلة: أهله كانوا عارفين وموافقين وأمه قالت لي: معلش يا حبيبتي متزعليش مني ما أنتي عارفة إن محدش فينا بيقدر عليه ده مجنون ودماغه صعبة.
وبعد أن سألتها إحدى المُتابعين عن كيفية كشفها له، أجابتها: كنت منزلة صورتي معاه على فيسبوك وفيه واحدة دخلت كلمتني وقالتلي تفاصيل كتيرة وبتتخانق معايا، وبعتتلي كل الكلام اللي بينه وبينها، وكان مواعدها بالزواج في نفس وقت خطوبتي منه، أنا أهم حاجة عندي نفسي ومش مهم عندي أي حد تاني.
ونصحت سارة الفتيات قائلة: أسألوا كويس على الراجل اللي متقدم لك، سيبي أهلك يتكلموا معاه ويعرفوا شخصيته ومايتقبلش من أول مرة، وماتسهلوش الأمور، وخليكي غالية وهو بياخدك، واتأكدي أنه جاي شاريكي بجد ويستاهلك.
