بصورة من المستشفى.. أيتن عامر تكشف تعرضها لوعكة صحية
كشفت الفنانة أيتن عامر، تعرضها لوعكة صحية دون الكشف عن تفاصيل أخرى، مطالبة من جمهورها بالدعاء لها بالشفاء العاجل.
ونشرت أيتن عامر، صورة من المستشفى عبر حسابها الشخصي بموقع تبادل الصور والفيديوهات انستجرام، وظهرت وهي تعلق المحاليل وكتبت قائلة: لا تخافوا لكن احذروا.
وسبق علقت أيتن عامر مؤخرًا على فيديو تعدي طالبة على زميلتها داخل مدرسة مملوكة لشركة أجنبية شهيرة بالتجمع، معبرة عن دهشتها من هذه الحادثة الغريبة، والموقف الصعب الذي تعرضت له الفتاة بالضرب على يد زميلتها ووقوف الطلاب للتصوير دون تدخل.
وقالت أيتن عامر: اتضايقت من فيديو خناقة البنات في مدرسة بيقولوا إنها من المدارس المهمة، بسبب أن زمايل البنت واقفين في المدرسة فتحين تلفوناتهم وبيصوروا والبنت واقعة على الأرض ومناخيرها مكسورة وبتنزف، أنا عندي حالة صدمة، فجأة تخيلت حد من ولادي في موقف زي ده، أقول لولادي لو شوفتوا موقف زي ده قدامكم تتدخلوا ولا لأ، هو إيه اللي بيحصل.. أنا مش قادرة أفهم إيه اللي بيحصل.. إحنا ليه وصلنا للدرجة دي.
خناقة طالبات بمدرسة شهيرة بالتجمع
وأضافت أيتن عامر في لايف عبر حسابها على موقف فيسبوك: إحنا لو مربناش ولادنا كويس كده بنساعد أن في جيل بيطلع أخلاقه وطباعه مش مفهومة وسلوكة غريب، أنا عندي حالة صدمة من وقت ما شوفت الفيديو.. مش هتكلم على الألفاظ اللي البنت كانت بتشتم بيها.. أنا بتكلم على رد فعل الولاد.. أخاف أقول لأولادي وأعلمهم لو شوفتوا موقف قدامكم حد بيضرب تدخلوا تدافعوا عنه، ولادي يتأذوا.. وفي نفس الوقت قلبي موجوع على البنت ونفسي مامتها بجد تاخد حقها بالقانون.. الحاجات دي مفهاش صلح.. لأن اللي حصل مرعب.
