أمير توفيق في التحقيقات: تصريحات القندوسي بشأن فرضي وكلاء على اللاعبين غير صحيحة ووالد بلعيد كذّبها| خاص
كشفت التحقيقات الأجهزة المعنية، عن تفاصيل أزمة أحمد قندوسي، لاعب نادي سيراميكا كليوباترا، وأمير توفيق، مدير التعاقدات السابق في النادي الأهلي والمدير التنفيذي الحالي لشركة الكرة بالنادي، بسبب تصريحات قندوسي حول التعاقدات.
قضية قندوسي وأمير توفيق
وحصل القاهرة 24 على نص التحقيقات في القضية رقم 7677 لسنة 2024 إداري أول أكتوبر، وبمثول أمير توفيق أمام جهات التحقيقات لسماع أقواله، وبسؤاله حول ما هي تفصيلاته بشأن الواقعة؟ أجاب: اللي حصل إن بداية الموضوع ظهر اللاعب أحمد القندوسي بتاريخ 4/10/2024 على قناة أون تايم سبورت، والمذيع سأله على اللعب زين بالعيد إنه مجاش الأهلي ليه، رد عليه وقاله إزاي انا أقوله ميجيش الأهلي زي ما الاشاعات قالت.
وأضاف أمير توفيق خلال أقواله أمام جهات التحقيقات: ساعتها المذيع قاله هو كلمك، فرد القندوسي أنا مع اللاعب زين بالعيد في معسكر منتخبنا، وفيه حاجات بتطلع واحنا في المعسكر وبنبص عليها وبنضحك فهو لو كده ليه مجاش، وهو مجاش عشان الوكلاء، فالمذيع سأل تاني ليه مجاش فالقندوسي رد عليه ما هو بسبب موضوع الوكلاء لأنه هو عنده وكيله مينفعش يتخلي عنه، فالمذيع رد عليه قاله أنا مش فاهم حاجة، والقندوسي قال له احنا كجزائريين أنت وكيلي مينفعش أخسرك عشان ده جايبلي زيادة جنيه عليه، أنت وكيلي من أول لحظة يبقي هتكمل معايا لآخر لحظة.
وأردف المدير التنفيذي لشركة الكرة بالنادي الأهلي: المذيع قاله فهمني موضوع زين الدين بالعيد، اللاعب أحمد القندوسي رد عليه قاله فشل بسبب الوكلاء، والمذيع سأله إزاي رد عليه وقاله كل كلام اللي بيطلع في الميديا كدب والمذيع قاله بجد والله فرد عليه وقاله كدب مفيش حد عنده الحق وعنده الصح عنده الحقيقة كابتن كل اللي اتقال كله كدب، فالمذيع رد عليه أنت قولنا ايه الصح، والقندوسي قاله زين الدين بالعيد بنسبة 70% كان بالأهلي بس هو الناس اللي معاه.
القندوسي: أي لاعب لازم يعدي على إكس علشان يدخل النادي الأهلي
واستكمل أمير توفيق: المذيع سأله على الناس دي مين، رد عليه القندوسي بطريقة ساخرة، الله أعلم بس الناس عشان يدخل النادي الأهلي لازم يدخل مع فلان لازم، يجي مش عارف مع إكس، فالمذيع رد عليه قاله بس الكلام ده خطير يا أحمد، معقبًا: وفي حديثه مع المذيع قال إن وكيل اللاعب زين الدين مش هيدخل معاه النادي الأهلي وهيدخل مع وكلاء تانيين، واحنا الجزائريين ميقدرش حد يجبرنا على حاجة.
واستطرد توفيق: فوجئنا بحديث من المشكو في حقه الثاني وكيل القندوسي نصر. ي. ن على قناة ام بي سي مصر وردد نفس حديث القندوسي كما ذكرت بالعريضة المقدمة مني ومن وكيلي وبتاريخ 5 أكتوبر 2024، صدر حديث من المدعو طلال. ر. ح المشكو في حقه الثالث أكد فيه ما صدر من المشكو في حقه الأول عبر برنامج صوتي على موقع القاهرة 24، وحيث إن الفيديو الخاص بالمشكو في حقه الأول وفيديو المشكو في حقه الثاني -تصريحي- البث الصوتي الصادر من المشكو في حقه الثالث طلال.ر، الذي احتوي على كلام ليس له أصل من الصحة ومحاولة توجيه الراي العام وتضليله إلى بصفتي مدير تعاقدات النادي الأهلي بتوجيهي للاتهامات الباطلة، وقول كلام ليس له اصل وإثارة الفتن وتحريض الناس ضدي وكتمانه بالحق واظهاره بالباطل.
واستكمل: ولقد تناولته كل وسائل التواصل الاجتماعي والمواقع الإخبارية وقد شاهده الملايين، وعلق عليه الآلاف بالسب ولعني وتشويه سمعتي ومعي من الأدلة من فيديوهات وأحاديث من مدخلة السيد محمد بالعيد والد اللعب زين الدين بالعيد على قناة ام بي سي مصر 2، الذي أكد فيه عدم صحة ما جاء بحديث المشكو في حصه الأول أحمد القندوسي وكذلك ما ذكره المشكو في حقه الثاني والثالث.
واختتم: معي تصريحات سيد عبد الحكيم رئيس نادي وفاق سطيف السابق وقت تفاوض مع المشكو في حقه الأول أحمد القندوسي وبتمسك بالعريض المقدمة من وكيلي، وبأيد كلامي ده بأن تم تحقيق الإداري داخل نادي الأهلي يوم 5 أكتوبر بمعرفة الشئون القانوني بنادي الأهلي وتم التحقيق معي ومع القندوسي بخصوص هذا الشأن وده كل اللي حصل.
