وليد منصور: شيرين عبد الوهاب ربنا مديها حب الناس.. وهعملها حفلة في الأهرامات

قال المنتج وليد منصور إنه يعمل على تنظيم العديد من الحفلات الغنائية في 2025، منها حفلتان لـ شيرين عبد الوهاب.

وأضاف وليد منصور في ندوته بالقاهرة 24: شيرين عبد الوهاب أطيب واحدة في العالم، وكلنا بنقع في مشاكل، ولكن هي شيرين عبد الوهاب ربنا مديها حب الناس، والنهاردة لو قلت هعمل حفلة لـ شيرين بكره مصر كلها هتحضرها، ودي بتاع ربنا ومهما حصل الناس بتتعاطف معاها.

وأكمل وليد منصور: أنا شغال ليها على حفلتين، واحدة منهم هتكون في الأهرامات، وأنا بنظم لنفسي هعمل حفلة مع تامر حسني إمتى، وعمرو دياب، وتامر عاشور، وغيرهم.. أنا مقسم حياتي من أول شهر يناير لـ شهر أكتوبر، أكون عملت الحفلات اللي ترضيني.

وليد منصور: شيرين عبد الوهاب صوت مصر

وفي وقت سابق، كشف المنتج وليد منصور رأيه من هي صوت مصر، مؤكدًا أن الفنانة شيرين عبد الوهاب هي الأحق بهذا اللقب.

وأضاف: شيرين عبد الوهاب هي صوت مصر وبتاع الشعب، ينفع أشغل أغانيها في كل مكان، لكن أنغام صوتها حلو ولكن مش تجاري، ومينفعش أغانيها تشتغل في الميكروباصات والشوارع.

وليد منصور

يذكر أن وليد منصور هو أحد أبرز الأسماء في مجال الإنتاج الفني في مصر والوطن العربي، ووُلد في القاهرة، وبرز في صناعة الموسيقى على مدار سنوات عديدة، ليُصبح من أبرز المنتجين في مجال الغناء والتوزيع.