زوجة تطلب الطلاق: باع عفش الشقة عشان يشحن لعبة على الموبايل
في واقعة شهدتها محكمة الأسرة، تقدمت زوجة بدعوى طلاق ضد زوجها، متهمةً إياه بإدمان الألعاب الإلكترونية لدرجة دفعته إلى بيع أثاث المنزل لإنفاق الأموال على "جواهر" داخل إحدى الألعاب الشهيرة.
بداية القصة
روت الزوجة، البالغة من العمر 28 عامًا، تفاصيل معاناتها أمام المحكمة، قائلة: من يوم ما تجوزنا وهو متعلق بالموبايل، كنت متخيلة إنها مجرد تسلية، لكن مع الوقت اكتشفت إنه مهووس بلعبة معينة، يقضي فيها ساعات، وبيتخانق معايا لو طلبت منه يخرج أو حتى يساعدني في البيت.
وأضافت: "في الأول كنت بفتكر إنه بيهزر لما يقول إنه محتاج فلوس علشان يشتري جواهر في اللعبة، لكن بعد فترة بدأت ألاحظ اختفاء بعض الحاجات من البيت، الأول باع المروحة، وبعدها التلفزيون، ولما سألته قالي إنه محتاج يعمل ترقيات لشخصيته في اللعبة.
لكن الصدمة الأكبر جاءت عندما عادت الزوجة إلى المنزل من زيارة أهلها، لتجد الشقة شبه فارغة: "لقيت السفرة متباعت، والنيش راح، حتى الغسالة مش موجودة! جريت عليه أسأله، لقيته قاعد ع الموبايل عادي، وبيقولي: معلش كنت محتاج صندوق نادر في اللعبة، وهجيب العفش تاني بعد ما أكسب البطولة.
بعد محاولات كثيرة لإصلاح الوضع وإقناعه بالإقلاع عن هذا الإدمان، لم تجد الزوجة حلًا سوى اللجوء لمحكمة الأسرة، مطالبةً بالطلاق.
وقالت في دعواها: "أنا مستحملة كل حاجة، بس أعيش في بيت فاضي علشان جوزي يلعب؟! ده مش طبيعي!"
