كنت بموت.. البلوجر شهد أحمد تكشف سبب مرضها: الناس متعرفش حاجة وبتألف
تصدر اسم البلوجر شهد أحمد منصات التواصل الاجتماعي في الأيام الأخيرة، بعد ظهورها في أحد الفيديوهات متألمة على فراش المرض، لكنها كشفت سبب مرضها في أحدث ظهور لها، موضحة ردها على شائعات المتابعين واتهام البعض لها بادعاء المرض.
البلوجر شهد أحمد: ناس مش عارفة حاجة وبتألف
وأوضحت البلوجر شهد أحمد عبر فيديو نشرته على حسابها الشخصي في منصة تداول الصور والفيديوهات إنستجرام، ردها على شائعات متابعيها بعد ظهورها في الفيديو الأخير لها، قائلة: بقالي فترة مختفية، وطالعة أصحح التعليقات اللي شوفتها لما فوقت من التعب.
وأضافت: لقيت ناس كتير بتألف وبتقول دي مريضة قلب، دي عملت حادثة، دي صحابها ضربوها في المدرسة، عشان مش عارفين سبب التعب الحقيقي. ولكن، بدون دخول في تفاصيل، الحمد لله أنا ما عنديش الحاجات دي.
البلوجر شهد أحمد تكشف سبب مرضها
وتابعت شرح سبب مرضها: أنا مريضة قولون وعندي مشاكل صحية كتير أدت لنزيف ودخولي عمليات جراحية.
وأضافت شهد: الناس اللي بتقول دي بتنزل إنها تعبانة عشان تمنع الحسد عنها، أنا قايلة إني تعبانة عشان متستغربوش اختفائي. واللي بيقول دي مش عيانة ولا حاجة.. يا جماعة أنا كنت بموت، محدش شاف حاجة.
