يسرا اللوزي: قابلت ناس توكسيك.. وأكيد كنت شريرة في رواية أحدهم
تحدثت الفنانة يسرا اللوزي، عن تحضيرات شخصيتها في مسلسل سراب، موضحة أنها صادفت في حياتها العديد من الأشخاص بحملون نفس صفات وطباع شخصيتها في مسلسل سراب.
وقالت يسرا اللوزي، في لقائها مع القاهرة 24: أنا قابلت ناس توكسيك كتير في حياتي مش بس العاطفية ولكن في ناس توكسيك في الشغل والعيلة، والشخص التوكسيك مبيبقاش عارف إنه كده، لأن أي حد عنده مشاكل بيكون نتيجة لحاجة حصلت له في حياته، ومفيش حد شرير من باب الشر.
وتابعت يسرا اللوزي: إحنا أكيد وجعنا ناس في أوقات تانية ومكناش نعرف إننا وجعناهم، وكنا أشرار في روايتهم، الحياة مش أبيض وأسود أوي كده.
يسرا اللوزي: طبيعي نتعرض للتنمر
وعن تعرض الفنانين للانتقادات والتنمر عبر مواقع التواصل الاجتماعي، فعلقت يسرا اللوزي: لو حاجة هتضرني بشكل معين وهقدر أحمي نفسي منها قانونيًا هعمل ده، بس طبيعي يكون في تنمر وشتايم، وإننا نبقى مش عاجبين كل الناس، وأصلًا مفيش حد هيعجب كل الناس، والفكرة لما يبقى في ضرر نفسي أو في شغلي أو في سمعتي هلجأ للقضاء.
أعمال يسرا اللوزي
وعلى جانب آخر، عُرض مؤخرًا للفنانة يسرا اللوزي، مسلسل سراب، والعمل من بطولة الفنان خالد النبوي، هاني عادل، دياموند بو عبود، أحمد مجدي، وغيرهم من النجوم.
